HAMALIMON 2:11 - BIBEL JAMITA NA DENGGAN

¹¹ Nada tola mamake ragi sanga aer ni loba tu angka panganon sisombahonon tu Tuhan.

HAMALIMON 2:11 ပူးပေါင်းရင်းမြစ်များ

HARURUAR 23:18

Ulang haulkon hamu mudar ni binatang sisambolon tu Au dohot roti na marragi jana ulang tebahon tabo-tabo ni binatang na nihaulkon di ari pesta i lalu tu ancogotna i.

HARURUAR 29:25

Jadi buat ma roti i sian halahi lalu tutung ma di ginjang ni langgatan i, di ginjang ni haul situtungon sinangkinan gabe haul panganon di Au. Uap ni haul on ma na pasonang rohangKu.

HARURUAR 34:25

Ulang haulkon hamu roti na marragi muda ro hamu manghaulkon pahan-pahanan tu Au. Na nisambol baen haul di Pesta Paskah, nada tola tinggalhononmunu saotik pe lalu tu ancogotna.

PODA 24:13

O anakku, pangan ma aer ni loba, angke denggan do i. Songon tonggi ni aer ni loba na sian asarna nipangan,

PODA 25:16

Ulang nipangan bahat-bahat aer ni loba gabe gialan do ho baenonna.

PODA 25:27

Nada denggan mangan aer ni loba marlobian, songon i muse ma nada denggan manjalahi bahat pujian.

HAMALIMON 1:13

Dung i basuon ni halahi ma butuha dohot pat pudi ni pahan-pahanan i, jadi sombahonon ni malim i ma haul i tu Tuhan, lalu ditutung sude di ginjang ni langgatan. Uap ni haul sipanganon i ma pajop roha ni Tuhan.

HAMALIMON 6:10

Dung i angkon pakeonnia do saraor pendek dohot baju juba na nibaen sian abit linen, lalu mambangkit abu na martabo-tabo na lobi sian langgatan jana mamayakkon tu topi ni langgatan i.

MATEUS 16:6

Didok Jesus ma tu halahi, “Manat-manat jana jamot ma hamu adop ragi ni angka Parise dohot Saduse i.”

MARKUS 8:15

“Manat-manat ma hamu maradopkon ragi ni halak Parise dohot ragi ni si Herodes,” ninna Jesus tu halahi.

LUKAS 12:1

Marribu halak na marsisohan jabat adong na tardege-dege patna i. Jadi taran marrongoman jolma i mandok hata ma Jesus, lumobi tu angka siseanNia i, “Jago ma hamu maradopkon ragi ni halak Parise, i ma pangalancapon ni halahi.

LUKAS 21:34

“Jagohon hamu ma dirimunu, ulang jabat lalap-lalap marpestai jana minum-minum mabuk, sanga pe lalap mamikirkon angka na mardomu tu hangoluan, gabe inda hobas hamu di na tompu bincar ari i.

BAENON NI ANGKA RASUL 14:22

Dipapos halahi ma roha ni angka na mangihutkon Jesus, jana dipaingot halahi ma angka na mangihutkon Jesus i anso tongtong porsaya tu Jesus. “Angkon jolo bahat do taononta parkancitan baru pe anso maruli hita hatuaan ni Harajaan Ni Debata,” ninna rasul i mamodai angka na mangihutkon Jesus di angka kota nangkinan i.

GALATIA 5:9

“Gabe kombang do sude adonan i hara ni ragi na saotik sajo.”

1 PETRUS 4:2

Hara ni i, salolot mangolu hamu di tano on tu pudi on, ihutkon hamu ma hagiot ni Debata, ulang be mangihut di hagiot ni jolma hamu.