HAMALIMON 2:10 - BIBEL JAMITA NA DENGGAN

¹⁰ Na lobi sian haul i, i ma bagian ni angka malim. Na badia do roti i, angke na nibuat sian sipanganon na dung nihaulkon tu Tuhan.

HAMALIMON 2:10 ပူးပေါင်းရင်းမြစ်များ

2 JUJUR TAON 31:14

Tu si Kore anak ni si Jimna, i ma sada halak Levi na gabe kapala ni pangawal di Pintu Horbangan Habincaran di Bagas Ni Debata, dipasahat ma tanggung jawab laho manjagit dohot mambagi-bagihon angka silehen-lehen na nihaulkon i tu Tuhan.

ESRA 2:63

Dilarang gubernur ni Juda ma halahi mangankon sipanganon na dipasahat tu Debata, lopus adong sada halak malim na tarbaen mangido panogu-noguon marhite na mamake Urim dohot Tumim.

JEHESKIEL 44:29

Angkon mangolu sian gandum na dihaulkon do halahi, sian haul hasesaan ni dosa, dohot sian haul parsiding ni hararugi, jana sasude na dung diaturkon gabe hapunjunganKu, angkon lehenon do i tu halahi.

JEHESKIEL 46:20

jana didok ia ma, “Di inganan on ma angkon bolgangon ni angka malim haul hasesaan ni dosa dohot haul panobus ni hasalaan. Dison muse do ditutung haul gandum, anso ulang adong saotik pe sian haul na badia i hona oban tu alaman parruar gabe hamamago tu rayat.”

HAMALIMON 10:12

Didok si Musa ma tu si Harun dohot tu anakna na dua i, i ma si Eleasar dohot si Itamar, “Buat ma haul gandum na lobi sian sipanganon na dung dipasahat tu Tuhan. Baen ma roti na so marragi sian topung i, dung i pangan ma roti i di lambung ni langgatan i, angke haul na badia do i.

HAMALIMON 14:13

Angkon sambolon ni malim i ma anak ni biri-biri i di inganan na badia, di inganan panyambolan ni pahan-pahanan na gabe haul hasesaan ni dosa dohot haul situtungon. Angkon disi do sambolon biri-biri i, angke haul gonti ni hararugi dohot haul hasesaan ni dosa, na badia situtu do i bope nampuna ni malim.

HAMALIMON 2:3

Na lobi sian haul gandum i, i ma bagian ni malim. Na badia do gandum i, angke na nibuat sian panganon na dung nihaulkon tu Tuhan do i.

HAMALIMON 21:22

Tapi tola do panganonnia sian sipanganon na dung dipasahat, i sanga sian haul sipanganon na badia pe i sanga pe sian haul sipanganon na sun badia.

HAMALIMON 5:13

Songon i ma pangalahona baenon ni malim i pasahatkon haul hara ni dosa ni halahi, gabe sesaon ni Tuhan i ma dosana. Lobi ni gandum i, i ma bagian ni malim, sarupa tu haul gandum.

HAMALIMON 6:16

Topung na lobi i baenon ma roti na so marragi, angkon panganon ni angka malim ma i di inganan na badia, i ma di alaman ni Bandar Parmianan Ni Tuhan. I do bagian ni angka malim na nilehen ni Tuhan di halahi sian haul sipanganon. Sipanganon na badia situtu do i, dos dohot haul hasesaan ni dosa dohot haul tobus ni hasalaan.

HAMALIMON 6:23

Haul gandum na nipasahat ni malim i angkon tutungon do lopus masak sude, saotik pe nada tola panganon.

HAMALIMON 6:9

mangalehen tu si Harun dohot tu angka dakdanakna deba nari angka aturan taringot tu haul situtungon. Angkon tinggalkonon ni malim do haul i di ginjang ni langgatan saborngin i, bope api ni langgatan i angkon dipadiar marjilam.

HAMALIMON 7:7

Dos do aturan sibaenon tu haul hasesaan ni dosa dohot tu haul partobus ni hasalaan, i ma: Juhut ni pahan-pahanan haul i, i ma bagian ni malim na pasahat haul i.

BILANGAN 18:9

Sian angka silehen-lehen na lobi badia na so pola situtungon di langgatan, bagianmu ma i. Haul gandum, haul hasesaan ni dosa dohot haul gonti ni rugi. Barang aha pe na dihaulkon tu Au gabe haul na badia, i ma bagianmu dohot bagian ni angka anakmu.

1 SAMUEL 2:28

Sian sasude marga ni Israel Hupili do horong ni si Harun gabe malim di Au, laho mangkobasi di langgatan, manutung dupa, dohot mamake baju efod muda mangkobari dohot Au. Jana Hulehen do tu halahi hak laho mambuat deba sian haul parhaulan na ditutung di langgatan i.