HAMALIMON 19:34 - BIBEL JAMITA NA DENGGAN

³⁴ Baen ma tu halahi songon na nibaenmu tu bangsomu sandiri jana haholongi halahi songon pangkaholongimu di dirimu sandiri. Ingot, hamu pe jungada do gabe halak na leban di Mesir. Au do Tuhan Debatamu.

HAMALIMON 19:34 ပူးပေါင်းရင်းမြစ်များ

MASMUR 146:9

Dijagohon Ia do angka halak dagang, angka na mabalu dohot na tinggal menek diurupi Ia, tapi anggo sangkap ni halak na jahat disundati Ia.

HARURUAR 22:21

Ulang niparkancitan sanga nisosak halak na asing; ingot hamu ma, hamu pe halak na asing do najolo di Mesir.

JEHESKIEL 47:22

jana nampunamunu noma tano i salolot-lolotna. Angka halak sileban na dung hot maringanan di tonga-tongamunu jana na adong dakdanakna na sorang dison, angkon maruli bagian do di tano i. Angkon etongon do halahi songon anggota na gok di bangso Israel, jana angkon dohot do halahi undion anso maruli tano di hatiha dibaen pambagian ni tano i di angka marga-marga ni Israel.

HAMALIMON 19:18

Ulang baloskon na jat sanga tu ise pe sanga magigi ho tusia, tapi haholongi ma donganmu songon pangkaholongimu di dirimu sandiri. Au do Tuhan.

HAMALIMON 19:3

Ganop halak angkon pasangap inana dohot amana jana marningot Ari Sabat, songon na dung Huparentahon, angke Au do Tuhan Debatamu.

BILANGAN 10:32

Muda diihutkon ho hami, gabe lehenonnami muse ma di ho angka pasupasu na nilehen ni Tuhan di hami.”

MATEUS 5:43

“Madung dibege hamu taringot tu pangajaran on: Haholongi ma donganmu, goyak ma rohamu mida alomu.

PANGARATAION 10:19

Jadi hamu pe patut do patuduhononmunu holong ni roha tu angka halak na asing i, angke hamu pe najolo halak na asing do di Mesir.

PANGARATAION 23:7

Ulang pabile hamu halak Edom, dibaen kahanggimunu do halahi. Jana ulang muse layas rohamunu mida halak Mesir, dibaen jungada do hamu maringanan di tano ni halahi.

PANGARATAION 23:8

Mamungka sian sundut patoluhon dohot sundut na mangihut sian pomparan ni halahi tola do gabe anggota ni bangso ni Tuhan.”

RUT 2:10

Umbege i, manungkap ma si Rut di jolo ni si Boas jana didok ia ma, “Halak sileban do au, amang, hape biasi pola songon i denggan ni roha ni amang tu au jana diparrohahon amang au?”