HAMALIMON 19:30 - BIBEL JAMITA NA DENGGAN

³⁰ Ingot ma Ari Sabat jana pasangap ma sanga di dia inganan manyomba Au. Au do Tuhan.

HAMALIMON 19:30 ပူးပေါင်းရင်းမြစ်များ

2 JUJUR TAON 33:7

Dibaen ia do patung ni gana-ganaan di bagasan Bagas Ni Debata, hape nian na dung didok Debata do salaho tu Bagas i tu si Daud dohot si Salomo anakna i, “Jerusalem do na dung Hutodo sian sidua bolas luat ni marga-marga ni bangso Israel. Jana madung Huputuskon do bahaso angkon di bagasKu na di huta i do bangsongKu maribadat tu Au salolot-lolotna.

2 JUJUR TAON 36:14

Tamba ni i, dipahodar angka pamimpin ni Juda, angka malim dohot rayat do Bagas Ni Tuhan na dung dihapunjungkon tu Tuhan i sandiri, harana dohot do antong halahi sandiri marsomba gana-ganaan dohot mangihutkon parngoluon na mardosa songon angka bangso na asing na humaliang halahi.

MASMUR 89:7

Dipasangap angka pardibanua ginjang do Ho, jana dihabiari sian sude na adong humaliang Ho.

HARURUAR 20:8

Ingot ma Ari Sabat, anso diparbadiai ho ari i.

PARJAMITA 5:1

Jamot ma muda giot kehe tu Bagas Ni Tuhan. Dumenggan do kehe tusi laho marsiajar ulang pado laho manghaulkon haul, songon na nibaen ni angka jolma na oto. Nada tarpaasing halahi sanga dia na tutu dohot sanga dia na sala.

JEHESKIEL 9:6

Bunu hamu ma sude halaklahi dohot dadaboru, na matobang dohot na poso, na marsaripe dohot dakdanak. Tapi ulang hahua hamu anggo na mamake tanda di bohina. Jadi pungka hamu ma sian on, sian inganan na badiangKu.” Jadi dipungka halahi ma karejo i, dibunu halahi ma angka pamimpin ni Israel na topet marjongjongan di Bagas Na Badia i.

HAMALIMON 10:3

Didok si Musa ma tu si Harun, “On ma pikiran ni Tuhan i di na nidokNia, ‘Sude halak na giot mangoloi Au angkon pasangaponna do Au angke sasada Au do Debata. Giot patuduhononKu hamuliaonKu tu bangsongKu.’ ” Tapi hohom do si Harun.

HAMALIMON 15:31

Disuru Tuhan do si Musa paingotkon halak Israel anso diparate-atehon halahi sanga andigan halahi ramun jana andigan na so ramun, anso ulang gabe dipahodar halahi Bandar Parmianan Ni Tuhan na di tonga-tonga ni parbandaran ni bangso i. Muda dipahodar halahi Bandar Na Badia i, angkon bunuon halahi.

HAMALIMON 16:2

Ning Ia ma, “Pabolkas ma tu angkangmu si Harun, anso hum di hatiha na dung ditontuhon do tola masuk ia tu Bilik Na Sun Badia di pudi ni hire-hire i, angke disi do giot patidahononKu diringKu di bagasan ombun di ginjang ni Poti Parjanjian i. Muda dilaosi si Harun do parenta i, hona bunu ma ia.

HAMALIMON 19:3

Ganop halak angkon pasangap inana dohot amana jana marningot Ari Sabat, songon na dung Huparentahon, angke Au do Tuhan Debatamu.

HAMALIMON 26:2

Pestahon ma Ari SabatKu jana pasangap ma inganan na badia sanga di dia disomba hamu Au. Au do Tuhan.

MATEUS 21:13

Didok Ia ma tu halahi, “Adong do tarsurat songon on, ‘Angkon bagas partangiangan do goaron BagasKon.’ Hape gabe bagas ni panyamunan do dibaen hamu bagas on.”

2 KORINTUS 6:16

Aha ma he pardomuan ni Bagas Ni Debata dohot bagas ni gana-ganaan? Bagas Ni Debata na mangolu i do hita on, Debata sandiri pe didok Ia do, “Maringanan ma Au di tonga-tonga ni halahi, jana mangolu rap dohot halahi. Au ma gabe Debata ni halahi, jana gabe bangsongKu ma halahi.

1 PETRUS 4:17

Madung dapot hatihana, Debata manguhumi portibi on. Jana halak ni Debata sandiri do parjolo niuhuman. Antong, muda sian hita ma pungkaon ni Debata, tarbia muse noma ulaning na masa tu angka halak na so mangkaporsayai Jamita Na Denggan na sian Debata?