HAMALIMON 19:3 - BIBEL JAMITA NA DENGGAN

³ Ganop halak angkon pasangap inana dohot amana jana marningot Ari Sabat, songon na dung Huparentahon, angke Au do Tuhan Debatamu.

HAMALIMON 19:3 ပူးပေါင်းရင်းမြစ်များ

PAMUNGKAAN 48:12

Dung i dibuat si Josep ma dakdanak na dua i sian ampuan ni si Jakob, jana tungkap ma ia marsomba di jolo ni amangnia i.

NEHEMIA 9:14

Angkon pestahonon ni halahi do Ari Sabat na badia, jana marhite si Musa dilehen Ho uhumMi.

HARURUAR 16:29

Ingot ma, Au, Tuhan, madung Hulehen di hamu sada ari anso maradian. Hara ni i ma da dibaen na Hulehen di ari paonomkon i sipanganon tu dua ari. Di ari papituhon i sude jolma angkon tinggal di bagas, ulang haruar.

HARURUAR 20:12

Pasangap ma amangmu dohot inangmu, anso ginjang umurmu di tano na nilehen ni Tuhan Debatamu di ho.

HARURUAR 20:8

Ingot ma Ari Sabat, anso diparbadiai ho ari i.

HARURUAR 21:15

Sanga ise na mamukul amangna sanga inangna, angkon mate niuhuman.

HARURUAR 21:17

Sanga ise na mamurai amangna sanga inangna angkon mate niuhuman.

PODA 1:8

Parrohahon ma sanga aha pangajaran ni natorasmu tu ho, ale anakku,

PODA 23:22

Oloi ma amangmu; angke nada adong ho anggo so hara ni ia. Muda dung matobang inangmu, patuduhon ma paboa na niargahonmu ia.

PODA 30:11

Adong do halak na pasumpahon amangna jana na so mangargahon inangna.

PODA 30:17

Halak na mangincahi amangna sanga inangna na dung matobang, patutna do disampakkon tu ruar anso diturbing sigawak matana i jana dipangan rajawali bangkena i.

JESAYA 58:13

“Muda nada didege-dege hamu aturan ni Sabat jana nada dikarejohon hamu siurusonmunu di aringKu na badia i, muda didok hamu Ari Sabat i ari na marhasonangan, jana ari na badia ni Tuhan i ari na marmulia; muda dipasangap hamu ari i marhite na so mangkarejohon karejomunu dohot na so mambaen urusanmu sanga na marhata na rumar,

JEHESKIEL 20:12

Husuru do halahi pasangapkon Ari Sabat songon tanda ni parjanjianKu dohot halahi, laho paingotkon halahi paboa na dung Huhapunjungkon halahi di Au, Au Tuhan mangkapunjungkonsa.

HAMALIMON 11:44

Au do Tuhan Debatamu, hara ni i jago ma anso tongtong badia hamu, angke na badia do Au.

HAMALIMON 19:25

Dung pe di taon palimahon anso tola panganonmu batuna. Muda dipatulus ho sude paraturan on mur martamba ma batu ni suan-suananmu. Au do Tuhan Debatamu.

HAMALIMON 19:30

Ingot ma Ari Sabat jana pasangap ma sanga di dia inganan manyomba Au. Au do Tuhan.

HAMALIMON 19:31

Ulang ho kehe mangido sipaingot sian halak na mambaen pardomuan tu angka tondi ni na mate. Muda dibaen hamu songon i, gabe ramun ma hamu. Au do Tuhan Debatamu.

HAMALIMON 19:34

Baen ma tu halahi songon na nibaenmu tu bangsomu sandiri jana haholongi halahi songon pangkaholongimu di dirimu sandiri. Ingot, hamu pe jungada do gabe halak na leban di Mesir. Au do Tuhan Debatamu.

HAMALIMON 23:3

Sanga di dia sajo pe hamu maringanan angkon sumurung Ari Sabat i baenonmunu di Au. Onom ari honokna hamu markarejo tapi ingot ma, ari papituhon, Ari Sabat ari paradianan do i. Nada tola markarejo di ari i, hum marpungu do laho pasangap Au.

HAMALIMON 26:2

Pestahon ma Ari SabatKu jana pasangap ma inganan na badia sanga di dia disomba hamu Au. Au do Tuhan.

MALEAKI 1:6

Didok Tuhan Na Markuaso i ma tu angka malim, “Dipasangap anak ma amana, jana dipasangap naposo ma tuanna. Amangmu do Au; biasi nada dipasangap hamu Au? Tuanmunu do Au. biasi nada mabiar hamu mida Au? Dipalayas hamu Au, hape laing puluk muse do hamu manyapai, ‘Bia ma he hami baen palayaskon Ho?’

PANGARATAION 27:16

‘Bura ni Debata ma di halak na palayas amangna dohot inangna.’ Dung i sude ma bangso i mandok: ‘I ma tutu!’

PANGARATAION 5:16

Pasangap ma amangmu dohot inangmu; songon na diparentahon ni Tuhan Debatamu, anso sonang jana ginjang umurmunu di tano na nilehen ni Tuhan Debatamu di ho.

IBRANI 12:9

Di tano on, adong do amanta. Diajari amanta be do hita, jana tapasangap do amanta. Antong mur ma hape maradopkon Amanta na di banua ginjang i, tontu angkon mur umoloan ma hita tuSia anso mangolu hita.