HAMALIMON 19:27 - BIBEL JAMITA NA DENGGAN

²⁷ Ulang gunting obuk di topi ni ulumu sanga mancukur janggutmu.

HAMALIMON 19:27 ပူးပေါင်းရင်းမြစ်များ

1 JUJUR TAON 19:4

Jadi ditangkup si Hanun ma suruan ni si Daud i, dicukur ma janggut ni halahi sasabariba, diponggol ma pakean ni halahi mamungka sian tonga-tonga lalu tu pangkal ni hae-haena, dung i disuru ma halahi kehe.

JESAYA 15:2

Manangkok ma tu dolok halak Dibon laho mangandungi di inganan pamelean ni angka debata. Di bagasan hancit ni roha andungan ni halak na di Moab ma kota Nebo dohot Medeba. Marcukur ulu ma halahi dohot janggut tanda ni na marhabot ni roha.

JEREMIA 16:6

Marmatean ma halak na kayo dohot halak na pogos di luat on jana nada adong halak na manguburkon halahi. Sahalak pe nada adong na mamparkanciti dirina sanga mancukur uluna songon tanda ni arsak roha ni halahi.

JEREMIA 41:5

ro ma salapan pulu halak sian Sikem, Silo dohot Samaria. Madung marcukur janggut halahi, masibak pakean ni halahi, jana digariangi pamatangna. Dioban halahi ma gandum dohot hamonyan sihaulkonon di Bagas Ni Tuhan.

JEREMIA 48:37

Madung dicukur halahi sudena obuk na di ulu ni halahi dohot janggutna, tanganna dihoroti, jana mamake abit goni tanda ni arsakna.

JEREMIA 9:25

Didok Tuhan ma, “Dapot do i hatihana, uhumanKu halak Mesir, Juda, Edom, Amon, Moab dohot halak na mangingani padang halongonan na manggusting pendek obukna. Na dung marsunat do sude angka jolma i, hape halahi sandiri bope halak Israel nada maniop parjanjianKu na nigambarkon ni sunat i.”

JEHESKIEL 44:20

Nada tola marcukur ulu ni angka malim sanga marginjang obuk. Angkon marpangkas pendek do hombar tu aturan na dung ditontuhon.

JEHESKIEL 7:18

Marabit goni ma halahi jana humitir ma sude pamatangna i. Cukuron ma ulu ni halahi jana pailaon halahi.

HAMALIMON 19:28

Ulang tulduhi huling-kulingmu sanga manggaruti pamatangmu songon tanda hamarsahan hara ni na matean. Au do Tuhan.

HAMALIMON 21:5

Sada halak malim nada tola cukuronnia sanga di dia pe di ulunia, nada tola pangkasonnia janggutnia sanga manggurati pamatangnia dohot barang na tajom laho paboahon na marsak ia.

PANGARATAION 14:1

“Bangso ni Tuhan Debatamunu do hamu. Jadi muda marsiluluton hamu salaho tu halak na monding, ulang ma jomahi hamu kulitmunu, sanga dicukur hamu ulumunu sian jolo songon na nibaen ni angka bangso na asing.