HAMALIMON 19:25 - BIBEL JAMITA NA DENGGAN

²⁵ Dung pe di taon palimahon anso tola panganonmu batuna. Muda dipatulus ho sude paraturan on mur martamba ma batu ni suan-suananmu. Au do Tuhan Debatamu.

HAMALIMON 19:25 ပူးပေါင်းရင်းမြစ်များ

HAMALIMON 19:10

Ulang ulahi hamu tu kobun anggurmu papungu batuna na tinggal i sanga palagut batuna na mardabuan. Tinggalkon ma i di halak na pogos bope di halak na leban. Au do Tuhan Debatamu.

HAMALIMON 19:24

Di taon paopatkon sude batuna angkon lehenon gabe haul laho patidahon hatarimakasion tu Au, Tuhanmu.

HAMALIMON 19:26

Ulang pangan juhut anggo laing marmudar dope. Ulang mamake elmu na songon dia pe.

HAMALIMON 19:3

Ganop halak angkon pasangap inana dohot amana jana marningot Ari Sabat, songon na dung Huparentahon, angke Au do Tuhan Debatamu.

HAMALIMON 19:4

Ulang marbalik hamu sian Au, gabe kehe hamu manyomba gana-ganaan. Ulang baen hamu angka gana-ganaan sian angka logam jana manyomba tusi. Au do Tuhan Debatamu.

HAMALIMON 23:14

Taran so dioban hamu silehenon i tu Tuhan, ulang pangan hamu saotik pe sian gandum na baru i, bope na mata sanga na nisaok sanga ditutung pe. Aturan on angkon ihutkonon ni sude pomparanmu lopus tu ari parpudi.