HAMALIMON 19:19 - BIBEL JAMITA NA DENGGAN

¹⁹ Oloi ma angka parentangKu. Dua rupa pahan-pahanan, ulang dipacampur na sarupa tu na sarupa nari. Ulang suan dua ragam same di sada ladang. Ulang pake ulos na nitonun sian dua rupa bonang.

HAMALIMON 19:19 ပူးပေါင်းရင်းမြစ်များ

PAMUNGKAAN 36:24

Adong do dua anak ni si Zibeon, i ma si Aya dohot si Ana. (Si Ana on ma na mandapot mual ni aek milas di padang parhorsihan, di na topet marmahan angka halode ni amangnia ia.)

2 SAMUEL 13:29

Dipatulus angka naposonia ma parenta ni si Absalom i jana dibunu halahi ma si Amnon. Marnida i, marsitengget bagalna be ma angka anak ni si Daud na deba nari i palua dirina.

2 SAMUEL 18:9

Dompak mangalombut bagalnia si Absalom, ompot ma marsuo ia dohot parangan ni si Daud. Mamolus bagalnia i di toru ni hayu na godang, jana sangkot ma ulu ni si Absalom di sada dangka. Marlojong torus bagalnia i, gabe tinggal ma si Absalom disi laing gantung-gantung.

1 RAJA-RAJA 1:33

didokkon raja i ma tu halahi, “Pio ma sude angka naposo ni tuanmunu on, kehe ma hamu rap dohot halahi pajuguk si Salomo anakki tu ginjang ni halodengku sandiri, dung i oban ma ia tu mual ni Batang aek Gihon.

HAMALIMON 18:4

Radoti ma angka uhum na sian Au jana karejohon ma na Huparentahon. Au do Tuhan Debatamu.

HAMALIMON 19:37

Ihutkon ma sude aturan dohot parentangKu, Au do Tuhan.”

HAMALIMON 20:8

Patulus ma aturan na sian Au angke Au do Tuhan, na papunjungkon hamu baen di Au.”

HAMALIMON 22:31

Didok Tuhan i, “Patulus hamu ma angka parentangKu; Au do Tuhan.

HAMALIMON 25:18

Ihutkon hamu ma sude aturan dohot parenta ni Tuhan anso sonang ngolumunu di luat on.

LUKAS 5:36

Dung i dipaboa Jesus ma umpama on tu halahi, “Nada adong sada halak pe na ra mangaribahi abit na imbaru giot mandungkapkonsa tu abit na dung buruk, muda binaen songon i sego ma abit na imbaru i, angke nada mardomu pandungkap na imbaru dohot abit na buruk i.

SURAT NI SI PAULUS TU PARLAGUTAN ROM 11:6

Tapi hara ni asi ni roha do, nada be sian pambaenan; sugari nada songon i nada asi ni roha be dohonon asi ni roha i.

PANGARATAION 4:1

Dung i didok si Musa ma tu bangso i, “Oloi hamu ma sude aturan na huajarkon tu hamu, anso tola hamu mangolu dohot mangingani tano na giot silehenon ni Tuhan, Debata ni ompumunu tu hamu.

PANGARATAION 4:5

Madung huajarkon sude angka aturan i tu hamu, songon na niparentahon ni Tuhan Debata tu au. Karejohon hamu ma sudena i di tano na giot simasuhan dohot siingananmunu.