HAMALIMON 19:17 - BIBEL JAMITA NA DENGGAN

¹⁷ Ulang ho marhosom sanga tu ise pe. Pasidung ma salisimu dohot halak i anso ulang mardosa ho hara ni ia.

HAMALIMON 19:17 ပူးပေါင်းရင်းမြစ်များ

PAMUNGKAAN 27:41

Gabe goyak ma roha ni si Esau mida si Jakob harani na nilehen ni amangnia i pasupasuna tu angginia i. Ning ia ma di bagasan rohania, “Nada pola sadia honok nari marujung ma ngolu ni damang on jana marsiluluton ma hami. Dung salpu i, hubunu ma si Jakob.”

2 SAMUEL 13:22

Marhosom situtu ma si Absalom tu si Amnon jana nada ra be ia pangkulingkonsa hara ni na nibaennia i na so patut tu si Tamar, ibotonia i.

NEHEMIA 13:17

Hugorahon ma angka pamimpin ni Juda i jana hudok, “Na so sadar dehe hamu bahaso na dung mambaen hajahatan hamu hara ni na pahodar Ari Sabat?

MASMUR 141:5

Muda digorahon sanga diuhum halak na tigor au, i ma da sada pangalaho na denggan di au. Tapi anggo pamuji ni halak na jahat nada hujagit i, angke sai torus do au martangiang mangalo hajahatanna i.

PODA 9:8

Ulang paingot halak pangincahi, gabe goyak do rohania mida ho. Tapi anggo halak na marroha, muda dipatuduhon ho hasalaanna, gabe argaannia do ho.

LUKAS 17:3

Manat ma hamu! Muda mardosa donganmu, paingot ia antong. Muda manyosal do ia hara ni na dung mardosa ia, ampuni ma.

SURAT NI SI PAULUS TU PARLAGUTAN ROM 1:32

Diboto halahi do nian angkon mate hona uhum do halak na songon i mangihutkon uhum na sian Debata, tapi haru songon i pe laing dipambaeni halahi do pangalaho na songon i; jana jop muse do roha ni halahi muda adong sanga ise na mambaen songon i.

1 KORINTUS 5:2

Haru ma songon i, hape laing pagodang-godang diri dope hamu. Angkon marsak ma hamu nian, jana paorotonmunu ma halak na marpangalaho sisongon i sian tonga-tongamunu.

GALATIA 6:1

Hamu ale angka dongan! Muda tardapot sanga ise mambaen dosa, angkon hamu na sai mangolu mangihutkon Tondi Parbadia i ma paulakkon halahi mangulahi tu dalan na sintong. Tapi angkon mardongan halambohon do hamu patupahon na songon i, jana jamot ma hamu anso ulang jabat hamu hona pandugaan muse.

EPESUS 5:11

Ulang dohoti hamu angka jolma na mambaen parange na golap angka na so marguna. Gumonanan do gorahon hamu angka na songon i. (

1 TIMOTEUS 5:20

Sanga ise na mardosa, angkon paingoton do di jolo ni sude parlagutan i anso mabiar na asing i.

1 TIMOTEUS 5:22

Ulang mamopoptu ho mangampehon tangan laho mangangkat sada-sada halak gabe pangoloi ni Tuhan. Muda mardosa halak, ulang ho dohot-dohotan di dosa i. Jagohon ma dirimu anso tongtong polin.

2 TIMOTEUS 4:2

Jamitahon ma Jamita na sian Debata i di hatiha na denggan sanga na so denggan. Papos ma roha ni halak, paboa angka na sala, jana sosoi ma halahi. Ajari ma halak mardongan sude hasobaronmu.

TITUS 1:13

Tutu do hasaksian on. Hara ni i ma umbaen na angkon paingotonmu halahi, anso sai porsaya halahi di bagasan dalan na tigor;

TITUS 2:15

Ajarkon ma sudena i, jana paingot ma halahi jana gorahon ma angka na umbege jamitamu sian sude gogomu. Ulang ma adong na marlayas ni roha tu ho.

1 JOHANNES 2:11

Tapi halak na margoyak ni roha mida donganna, laing na di hagolapan dope i. Na mardalan di bagasan hagolapan dope i jana na so diboto ia do sanga na giot tu dia ia kehe, angke nada marnida ia dibaen hagolapan i.

1 JOHANNES 2:9

Sanga ise na mandok maringanan ia di na torang hape goyak do rohania mida donganna, laing na di bagasan hagolapan dope ia lopus saonnari.