HAMALIMON 19:14 - BIBEL JAMITA NA DENGGAN

¹⁴ Ulang burai na maingol, jana ulang baen sanga aha tu jolo ni halak na mapitung anso tartuktuk ia. Habiari ma Au, Au do Tuhan Debatamu.

HAMALIMON 19:14 ပူးပေါင်းရင်းမြစ်များ

PAMUNGKAAN 42:18

Di ari patoluhon didok si Josep ma tu halahi, “Na burju do au mangoloi Debata, jana paluaonku do hosamunu dohot sada sarat.

NEHEMIA 5:15

Anggo angka gubernur painte so au, na gabe boban do di rayat harana dituntut halahi do opat pulu hepeng perak sadari biaya ni sipanganon dohot anggur. Salang angka hatoban ni halahi pe antong dohot do mamisat rayat i. Tapi anggo au nada hubaen na songon i dibaen mabiar do au mida Debata.

MASMUR 111:10

Biar mida Tuhan, i do mula ni habisukon; sanga ise na mangkarejohonna dapotan parbinotoan. Nipuji ma Ia salolot-lolotna!

HAMALIMON 19:15

Angkon tigor jana bonar do ho mandabu uhum di parkaro, ulang ampini na miskin di na so dalanna jana ulang mabiar ho mida halak na mora.

HAMALIMON 19:32

Halak na dung matobang angkon habiaran jana pasangaponmu. Habiari jana pasangap ma Au, angke Au do Tuhan.

HAMALIMON 25:17

Ulang tipu donganmu sabangso, tapi habiari ma Tuhan Debatamu.

SURAT NI SI PAULUS TU PARLAGUTAN ROM 12:14

Pasupasu hamu ma sanga ise na mamparkanciti hamu, pasupasu hamu ma jana ulang burai hamu.

SURAT NI SI PAULUS TU PARLAGUTAN ROM 14:13

Hara ni i ulang marsiuhuman hita sama hita! Gumonan ma ulang tabaen sanga aha na maroban donganta gabe madabu sanga tartuktuk.

1 KORINTUS 10:32

Denggan ma baen hamu ngolumunu anso ulang jabat mardosa halak na asing hara ni hamu; sanga di halak Jahudi, sanga pe di halak na so Jahudi sanga pe di parlagutan ni Debata.

PANGARATAION 27:18

‘Bura ni Debata ma di halak na mangaliluhon halak na mapitung.’ Dung i sude ma bangso i mandok: ‘I ma tutu!’

1 PETRUS 1:17

Didok hamu Amang tu Debata dompak martangiang hamu. Antong, Debata i do na mandabuhon uhuman tu jolma marguru tu pambaenanna be so pola mangaligi bohi. Hara ni i, salolot di tano on hamu, pagodang hamu ma Debata di ngolumunu.

1 PETRUS 2:17

Pantun ma hamu tu sude halak, haholongi hamu ma donganmunu sahaporsayaan tu Kristus. Habiari hamu ma Debata jana pasangap ma Kesar i.

HALUMBAAN 2:14

Tapi haru songon i pe, laing adong do piga-piga pangalaho na so dihagioti ni rohangKu di hamu: Adong deba sian hamu na mangihutkon pangajaran ni si Bileam. Diajari si Bileam do si Balak paoto-otohon halak Israel anso mambaen dosa, i ma na mangankon pelean na nihaulkon tu gana-ganaan dohot mambaen pangalaho na markarosuan.