HAMALIMON 19:13 - BIBEL JAMITA NA DENGGAN

¹³ Ulang paksa sanga rampas barang ni donganmu. Ulang simpan gaji ni halak na ni gajianmu, haru pe hum saborngin.

HAMALIMON 19:13 ပူးပေါင်းရင်းမြစ်များ

JOB 17:5

Songon pandohan, sanga ise na mangaduhon donganna hara ni hauntungan, anakna sandiri pe manjagit pamalosan.

JOB 31:39

sugari suhana i abis hupangan, jana hupadiar na manyuan i male-malean,

JOB 7:2

songon hatoban manghalungunkon pangondianna, songon pangomo na intean di na niomona.

HARURUAR 20:15

Ulang manangko.

HARURUAR 22:13

Muda na hona soro ni binatang panyoro do pahan-pahanan i, angkon patidahonon ni na marmahankon i do teba-tebana i tu nampunasa i songon buktina; nada pola porlu gararannia dangdang ni pahan-pahanan na nisoro ni binatang panyoro i.

HARURUAR 22:15

Tapi muda topet do disi antong nampuna i, nada pola gararan ni na manginjam i dangdangna. Muda pahan-pahanan siongkosan do pahan-pahanan i, ongkosna i ma manutup harugian.”

HARURUAR 22:21

Ulang niparkancitan sanga nisosak halak na asing; ingot hamu ma, hamu pe halak na asing do najolo di Mesir.

HARURUAR 22:7

Sanga ise na pasimpankon hepeng sanga barang sigodang arga tu donganna, hape ro panangko mambuat barang i sian bagasnia; jadi muda tardapot, angkon gararan ni panangko i dua noli lompit.

PODA 20:10

Timbangan dohot parsuhatan na geduk nada i di roha ni Tuhan na tumbuk.

PODA 22:22

Ulang akali na pogos harana bisa mangakali ho, ulang akali halak na so margogo di pangadilan.

PODA 3:28

Ulang ma suru donganmu paintehon lalu tu ancogot anggo tarurupi ho do ia antong saonnari.

JEREMIA 22:13

Marjaya ma halak na pajongjong bagasna marhite hageduhan, jana na pabidangkonsa marhite panipuan. Marjaya ma sanga ise na marsuru halak markarejo hape nada marupa.

JEREMIA 22:3

“Tigor jana jujur ma pambaenanmunu! Palua ma halak na hona incop sian tangan ni halak na mangincopsa. Ulang ma manjahati sanga manyosak hamu tu halak na leban, dakdanak na so marama so marina, sanga na mabalu. Ulang ma bunu hamu halak na so marsala di inganan on, ninna Tuhan.

JEHESKIEL 18:7

Nada jungada ia mangicu sanga manangko. Angka barang jaminan ni utang ni halak tusia sai dipaulak ia do. Halak na malean dilehen ia do mangan jana halak na so marpakean, dilehen ia do parabiton.

JEHESKIEL 22:12

Adong muse do sigararon mamunu jolma, siincop mudar dohot na mamoro angka donganna sabangso. Madung dihalupahon halahi sudena Au. Au Tuhan Debata, madung mandok songon i.

JEHESKIEL 22:29

Mangicu dohot manangko do angka halak na kayo. Roha-roha ni halahi sajo do dibaen halahi tu halak na pogos jana mambuat untung do halahi sian halak sileban.

HAMALIMON 25:14

Jadi muda digadis hamu tano tu donganmu sabangso, sanga manobusi tano sian ibana, ulang baen hamu na so tigor disi.

HAMALIMON 25:17

Ulang tipu donganmu sabangso, tapi habiari ma Tuhan Debatamu.

MALEAKI 3:5

“Ro ma Au mandapotkon hamu laho manguhumi hamu. Manigor lehenonKu ma hasaksian mangalo angka pangajii, angka jolma panggampang na manyaksihon gabus, na mamogo upa ni halak pangomo, na manyosak angka na mabalu, na so marama so marina dohot halak sileban. Mangkuling ma Au laho mangalo sude halak na so pasangapkon Au, ninna Tuhan Na Markuaso i.”

MATEUS 20:8

Jadi dung potang ari didok nampuna kobun i ma tu mandurna i. ‘Piohon ma angka na karejo i, garar ma upa ni halahi mamungka sian na parpudi ro lopus tu na parjolo ro.’

MARKUS 10:19

Tontu diboto ho do tona ni Debata na mandok, ‘Ulang ho mamunu, ulang markarosuan, ulang manangko, ulang margabus, ulang paoto-otohon, pasangap ma amangmu dohot inangmu!’ ”

LUKAS 3:13

“Ulang pangido hamu lobi sian na dung diaturkon.”

1 TESSALONIKA 4:6

Taringot tuson, ulang ma adong na mambaen sala tu donganna sanga na paoto-otohon. Na salpu i madung tangkas hami ondolkon di na hami paboa tu hamu, angkon uhuman ni Debata do angka halak na songon i pangalahona.

1 TIMOTEUS 5:18

Harana di Buku Na Badia i tarsurat do, “Ulang ma dihuntam pamangan ni lombu na mardege eme,” sada muse, “Dapotan upa do na loja.”

JAKOBUS 5:4

Nada digarar hamu upa ni angka halak na markarejo di ladangmunu. Saonnari bege hamu ma hoi-hoi ni halahi! Angka halak na palagutkon suha ni ladangmunu, marsurak do halahi mangido tolong jana lalu do angguk ni halahi i tu simanangi ni Debata, Tuhan Na Markuaso i.