HAMALIMON 19:11 - BIBEL JAMITA NA DENGGAN

¹¹ Ulang ho manangko, mangicu sanga margabus.

HAMALIMON 19:11 ပူးပေါင်းရင်းမြစ်များ

2 SAMUEL 17:20

Marroan ma angka naposo ni si Absalom tu bagas i jana disapai halahi ma tu anakboru sinangkin, “Di dia si Ahimaas dohot si Jonatan?” “On dope taripar halahi di batang aek i,” ning ia mangalusi. Dijalak-jalahi halahi ma doli-doli na dua i, tapi nada dapot halahi be, lalu mulak noma halahi tu Jerusalem.

1 RAJA-RAJA 13:18

Gabe margabus ma panurirang na matobang na sian Betel i didok ma tusia, “Au pe laing panurirang do songon ho. Na dung diparentahon Tuhan do sahalak surusuruan marsuru au mangalap dohot manjagit ho di bagasku.”

MASMUR 101:7

Anggo pangicu nada tola maringanan di bagasku, halak pangalancap nada tahan di jolongku.

MASMUR 116:11

haru pe huambang di bagasan puntol ni pikiranku, “Sahalak pe nada adong haposan ni roha.”

HARURUAR 20:15

Ulang manangko.

HARURUAR 20:16

Ulang gabe saksi pargabus maradopkon dongan.

HARURUAR 20:17

Ulang impol rohamu di bagas ni donganmu jolma; ulang impol rohamu di dadaborunia, bope naposona bope lombuna bope halodena, bope di sanga aha nampuna ni donganmu jolma.”

HARURUAR 22:1

“Sanga ise na manangko lombu sanga biri-biri dung i disambol sanga digadis ia, angkon gararonnia ma lima lombu gonti ni lombu na sada i, jana opat biri-biri gonti ni biri-biri na sada i.

HARURUAR 22:7

Sanga ise na pasimpankon hepeng sanga barang sigodang arga tu donganna, hape ro panangko mambuat barang i sian bagasnia; jadi muda tardapot, angkon gararan ni panangko i dua noli lompit.

HARURUAR 23:1

“Ulang hata-hatahon hamu angka carito gabus jana ulang urupi hamu halak na sala, jadi gabe saksi pargabus hamu.

PODA 24:28

Ulang ho na gabe saksi maradopkon halak na asing anggo so adong alasan na patut; jana ulang ho margabus salaho tusia.

JEREMIA 6:13

Marsijalahi untungna be do halahi sude sian dalan na so patut, na menek dohot na magodang. Salang panurirang pe dohot malim margabus do tu halak.

HAMALIMON 19:10

Ulang ulahi hamu tu kobun anggurmu papungu batuna na tinggal i sanga palagut batuna na mardabuan. Tinggalkon ma i di halak na pogos bope di halak na leban. Au do Tuhan Debatamu.

SURAT NI SI PAULUS TU PARLAGUTAN ROM 3:4

Dao ma i! Angke anggo Debata sai sintong do tongtong, haru pe pargabus sude jolma. Songon na tarsurat i, “Anso tutu Ho tigor di bagasan angka hataMu, jana monang muda diuhumi Ho.”

EPESUS 4:25

Hara ni i, angkon burju do hamu sudena na sada tu na asing. Ulang be marsipaoto-otoan, angke rap anggota ni pamatang ni Kristus do hita sudena.

EPESUS 4:28

Angka panangko, ulang be manangko. Tapi gumonan ma ia markarejo anso dapot ia balanjonia markite-hite dalan na tigor jana anso tarurupi ia halak na hurangan.

PANGARATAION 5:19

Ulang manangko.

KOLOSSE 3:9

Ulang marsigabusan hamu, harana madung ditadingkon hamu ngolumunu na honok i rap dohot sude bakona i.

1 TIMOTEUS 1:10

tu angka halak na rorang, pandalus-dalus, panyamun, pargabus, tu angka saksi pargabus, dohot tu halak na maralo pangalahona tu ajaran na tutu.

HALUMBAAN 21:8

Tapi anggo angka parbiar, angka na so tontu, angka na so ture, sibunu jolma, angka na rogon, angka pardatu-datu, angka na manyomba gana-ganaan dohot sudena pargabus, laut api do inganan ni halahi dohot barerang na gara-gara, i ma hamatean na paduahon i.”