HAMALIMON 19:10 - BIBEL JAMITA NA DENGGAN

¹⁰ Ulang ulahi hamu tu kobun anggurmu papungu batuna na tinggal i sanga palagut batuna na mardabuan. Tinggalkon ma i di halak na pogos bope di halak na leban. Au do Tuhan Debatamu.

HAMALIMON 19:10 ပူးပေါင်းရင်းမြစ်များ

JESAYA 17:6

Tarsongon zetun na abis diputik batuna, hum sada dua na tinggal di puncutna i jana adong sanga na piga di dangka na toruk-toruk, laing songon i ma di Israel, saotik sajo do halak na malua. Au, Tuhan, Debata ni Israel, madung mandokkon i.”

JESAYA 24:13

Songon i ma na giot masa di tano on sudena di ganop bangso. Laing sarupa ma pangalahona di masa ni panen, di na mambuat batu ni zetun lopus abis dohot batu ni anggur na parpudi diputik sian bonana.

JEREMIA 49:9

Muda mamutik anggur halak, sai adong do i na dipasisinia, jana muda ro panangko borngin-borngin, hum por ni rohania do dibuat ia.

HAMALIMON 11:44

Au do Tuhan Debatamu, hara ni i jago ma anso tongtong badia hamu, angke na badia do Au.

HAMALIMON 19:11

Ulang ho manangko, mangicu sanga margabus.

HAMALIMON 19:25

Dung pe di taon palimahon anso tola panganonmu batuna. Muda dipatulus ho sude paraturan on mur martamba ma batu ni suan-suananmu. Au do Tuhan Debatamu.

HAMALIMON 19:9

Muda manyabi hamu ulang sabi hamu angka gandum na tubu di topi-topi ni ladang i, jana ulang ulahi hamu manyabi turiangna.

HAMALIMON 23:22

Muda manyabi hamu, ulang sabi hamu gandum na tubu di topi ni ladang i jana nada tola mulak hamu papungu turiangna. Tinggalkon ma i baen di halak na dangol dohot di halak na leban. Tuhan do Debatamu.

HAMALIMON 25:6

Haru songon i pe lehenon ni tano i do suhana na gabe panganon di hamu, di hatobanmunu, di halak na nigajianmunu bope di halak na leban na tinggal rap dohot hamu.

OBAJA 1:5

Anggo panangko na ro borngin-borngin, hum por ni rohania do dibuat ia. Halak na mamutik anggur di kobunna, ditinggalkon ia do i deba. Tapi anggo ho, abis noma baenon ni angka musumu.

MIKA 7:1

Marjaya ma au! Harana parngoluonku songon dompak papunguhon batu ni anggur di ari logo, songon dompak painte masa parbatu ni anggur, nada adong anggur na giot sipanganon, dohot parbatu ni ara na huhajopkon.

PANGARATAION 24:19

Muda palagutkon sagean ni gandum hamu, jana adong dope sasaotik na martinggalan gandum na dung disabi i, ulang be ulahi hamu mamuaisa. Angkon tadingkonon do gandum i baen di halak sileban, di na so marama, dohot di angka na mabalu, anso dipasupasu Tuhan Debatamunu i hamu di sandok na nibaenmunu.

PANGARATAION 24:20

Muda mamutik suha ni zetunmunu ho, ulang be pareso angka rantingna i paduanolihon; i ma na gabe bagian ni halak na asing, na so marama dohot na mabalu.

PANGARATAION 24:21

Muda paluhutkon suha ni kobun anggurmu, ulang be pareso paduanolihon; i ma bagian ni halak na asing; na so marama dohot na mabalu.

HAKIM-HAKIM 8:2

Tapi dialusi si Gideon ma, “Sanga aha na hubaen i nada bagi aha dope i martimbangkon na dung nibaenmunu. Hum saotik do dibaen hamu nian, tapi na saotik i pe dao do ummarga sian sude na dung dibaen ni sude parangan na sian margangku.

RUT 2:2

Sanoli didok si Rut ma tu si Naomi, “Kehe au jolo namboru tu ladang laho mamuai burir-burir na nipardabuhon ni angka parkarejo i. Pos do rohangku sai adong do i halak na paloaskon au mambaen songon i.” “Denggan, maen!” ning si Naomi mangalusi, “kehe ma da ho.”