HAMALIMON 18:5 - BIBEL JAMITA NA DENGGAN

⁵ Karejohon ma angka aturan bope angka uhum na dung Hulehen di ho. Muda dibaen hamu songon i, malua ma ho. Au do Tuhan.”

HAMALIMON 18:5 ပူးပေါင်းရင်းမြစ်များ

NEHEMIA 9:29

Digorahon do halahi anso mangoloi tu ajaranMu, tapi ditulakkon halahi do sian ginjang ni rohana uhumMu. Hape nian sugari dipatulus uhumMi, na pasti tarjamin do ngolu ni halahi. Sijogal rungkung do halahi jana na tangkang marroha, na so ra tumangihon, na sai manggaga.

HARURUAR 6:2

Mangkuling ma Debata tu si Musa, ninna ma, “Au do Tuhan.

HARURUAR 6:29

didok Tuhan ma, “Au do Tuhan. Pabolkas ma tu raja Mesir, sude na dung Hudok tu ho.”

HARURUAR 6:6

Jadi baen ma boa-boa tu bangso Israel, bahaso madung Hudok tu halahi: ‘Au do Tuhan; sai na urupanKu do hamu jana paluaonKu sian parhatobanon ni bangso Mesir i. SurduhononKu tanganKu na gogo i mandabu uhum na dokdok tu bangso Mesir, jana paluaonKu hamu.

JESAYA 55:3

Tangihon ma ale bangsongKu, ro ma hamu tu Au, tangihon ma, anso mangolu hamu. Hara ni holong ni rohangKu na togu tu si Daud, naposongKi, Hupudun janji na hot dohot hamu.

JEHESKIEL 18:9

Dioloi ia do na Huparentahon jana dipatulus ia do angka uhumKu. Jolma na songon i ma da na tigor jana na giot totop mangolu. Au Tuhan Debata madung mandok songon i.

JEHESKIEL 20:11

Disi ma Hulehen tu halahi angka parentangKu jana Huajarkon angka tona na sian Au sioloan ni halahi, angke mangolu do tongtong sanga ise na patuluskonsa.

JEHESKIEL 20:13

Hape di padang parhorsihan i, dialo halahi muse do Au. Dilaosi halahi do angka tona na sian Au na manjamin mangolu tongtong sanga ise na patuluskonsa. Gabe hodar jana ramun dibaen halahi Ari Sabat i. Hara ni i, di parhorsihan i madung nian hobas Au laho palalu murukKu tu halahi dohot mamusa halahi.

JEHESKIEL 20:21

Hape angka na umposo i pe manggagai do tu Au. Dilaosi halahi do angka tona na sian Au jana dipasiding halahi do parenta na sian Au, na manjamin tongtong mangolu sanga ise na mandalankonsa. Jadi hara ni i madung hobas Au laho palaluhon murukKu maradopkon halahi di parhorsihan i jana mamunu halahi sude.

HAMALIMON 18:6

Dilehen Tuhan dope angka aturan. Sanga ise pe nada tola marcampur dohot sada halak sian sisolkotna.

MALEAKI 3:6

“Au do Tuhan, jana nada muba-uba Au. Jana hamu ale pinompar ni si Jakob, nada pusa hamu.

MATEUS 19:17

Dialusi Jesus ma, “Biasi tu Au ho manyapai sanga aha na denggan? Hum sada do na denggan, i ma Debata. Muda lungun rohamu dapotan hangoluan na so mantak, angkon oloanmu do angka parenta ni Debata.”

LUKAS 10:28

Didok Jesus ma, “Tutu do alusmi. Baen ma songon i, gabe mangolu ma ho.”

SURAT NI SI PAULUS TU PARLAGUTAN ROM 10:5

Disuratkon si Musa do taringot tu hatigoran na ro sian Tona i, “Halak na mangkarejohon Tona i, mangolu do markite-hite i.”

SURAT NI SI PAULUS TU PARLAGUTAN ROM 7:10

jana mate ma au. Jadi parenta i na nitontuhon hian laho pangoluhon, hape gabe mamatehon do tu au.

GALATIA 3:12

Tapi anggo angka Tona na nidok nangkin, nada marlahanan tu haporsayaan i. Tapi, “Barang ise na mangkarejohonna, mangolu do ia dibaen i.”

PANGARATAION 30:20

Haholongi ma Tuhan Debatamu, oloi hamu ma Ia, jana setia ma hamu tuSia. Gabe siginjang umur ma hamu dohot pomparanmunu di tano na nijanjihon ni Tuhan tu ompumunu si Abraham, si Ishak dohot si Jakob.”

PANGARATAION 30:6

LehenonNa ma di hamu roha na burju mangoloi, jadi gabe holong ma rohamunu di Tuhan Debatamunu sian sandok rohamunu, jana bolas ma hamu torus maringanan di tano i.

PANGARATAION 4:1

Dung i didok si Musa ma tu bangso i, “Oloi hamu ma sude aturan na huajarkon tu hamu, anso tola hamu mangolu dohot mangingani tano na giot silehenon ni Tuhan, Debata ni ompumunu tu hamu.