HAMALIMON 18:30 - BIBEL JAMITA NA DENGGAN

³⁰ Dung i didok Tuhan i ma, “Ihutkon ma sude angka parenta na dung Hulehen i, ulang tiru hamu pangalaho ni halak na mangingani Kanaan andorang so diingani hamu. Ulang dibaen ramun diriniba sandiri marhite karejo na songon i. Au do Tuhan Debatamu.”

HAMALIMON 18:30 ပူးပေါင်းရင်းမြစ်များ

1 RAJA-RAJA 14:24

Asing ni angka dadaboru, adong muse do angka halaklahi na martugas di angka inganan parsombaan ni debata i. Dipambaeni halak Juda do angka pangalaho na so ture na nibaen ni angka bangso na dung diusir ni Tuhan di na masuk halak Israel tu luat i.

1 RAJA-RAJA 21:26

Dipambaeni si Ahab do angka dosa na paila-ilahon; disomba ia do gana-ganaan songon pambaen ni halak Amori, i ma angka jolma na niusir ni Tuhan morot sian tano Kanaan di parmasuk ni halak Israel tu luat i.

ESRA 9:1

Dung dipatulus sudena i, ro ma tu au piga-piga halak hatobangon ni bangso Israel. Dipaboa halahi ma tu au na so disirang halahi dirina sian angka bangso na asing, na maringanan di na humaliang i, i ma bangso Amon, Moab, Mesir, Kanaan, Het, Peris, Jebus dohot Amori. Dohot do angka malim mambaen songon i dohot angka halak Levi. Sude do halahi dohot mambaen pangalaho hagigian i na nipambaenan ni angka bangso i.

HAMALIMON 18:29

Boto hamu ma, sanga ise na mangkarejohon karejo sihagigian i, angkon agohonon ma ia sian tonga-tonga ni bangsona.

HAMALIMON 19:1

Disuru Tuhan i ma si Musa,

HAMALIMON 20:23

Ulang tiru hamu adat ni halak na tinggal disi. Magigi do Au mida pangalaho ni halak parbegu i, angke na jahat do karejo ni halahi. Hara ni i do dibaen na Huusir halahi saonnari, anso tarbaen hamu masuk tu luat i.

HAMALIMON 22:9

Sude malim angkon patuluskon angka aturan na dung Hulehen. Muda nada, sala do halahi jana angkon mate, patunda ni na mangalaosi angka aturan na badia i. Au do Tuhan jana na mamili halahi gabe hapunjunganKu.

PANGARATAION 11:1

“Haholongi hamu ma Tuhan Debatamunu jana setia ma hamu mangoloi sude parentaNia.

PANGARATAION 12:30

Dung diabiskon Tuhan angka bangso i, angkon jamot-jamot do hamu. Ulang cubo-cubo hamu manangkas-nangkasi pambaen ni halahi manyomba debata ni halahi dohot maksud laho maniru halahi. Ulang ale! Mangalapi hamatean do pangalaho na songon i!

PANGARATAION 12:31

Ulang cubo-cubo hamu maniru pambaen ni halahi marsomba tu angka debata ni halahi laho manyomba Tuhan Debatamunu, angke dompak marsomba, dipatupa halahi do angka pangalaho na jorbut na nihagigihon ni Tuhan. Salang angka dakdanak ni halahi sandiri pe antong ditutung halahi do di ginjang ni langgatan gabe songon haul tu angka debata ni halahi i.

HAKIM-HAKIM 20:6

Jadi gabe hubuat ma bangkena i lalu huponggol-ponggol, dung i hutongos ma i tu marga ni Israel na dua bolas i samponggol be. Hubaen pe songon i hara ni angka halak Gibea i do na mambaen na jahat jana sihailahononkon di tonga-tonga ni halak Israel.