HAMALIMON 18:3 - BIBEL JAMITA NA DENGGAN

³ Ulang tiru pangalaho ni halak Mesir na dung jungada diingani hamu luat ni halahi, sanga pe maniru halak Kanaan, na giot masuhanmunu luat ni halahi mardongan partolonganKu.

HAMALIMON 18:3 ပူးပေါင်းရင်းမြစ်များ

2 RAJA-RAJA 17:8

jana diihutkon halahi hasomalan ni angka bangso na nipaorot ni Tuhan di na masuk bangso Israel mamorangi angka bangso i. Diihutkon halahi do adat na somal na nibaen ni angka raja ni Israel,

MASMUR 106:35

Mur margaul muse dope halahi tu angka bangso i, adat ni halak na so mananda Debata, ditiru halahi.

HARURUAR 23:24

Ulang mangalompit tot hamu mangoloi angka debata ni halahi jana ulang tiru-tiru hamu cara ni halahi maribadat. Ropuki hamu ma sude angka debata ni halahi i jana ponggoli hamu angka tiang langgatan ni halahi i.

JEHESKIEL 23:8

Laing torus ma ia marhamainan songon na nibaennia taran di Mesir, di na mago disi habujingonnia. Mamungka sian hamenehannia, na dung dipodomi jana dibaen do ia songon panggampang.

HAMALIMON 20:23

Ulang tiru hamu adat ni halak na tinggal disi. Magigi do Au mida pangalaho ni halak parbegu i, angke na jahat do karejo ni halahi. Hara ni i do dibaen na Huusir halahi saonnari, anso tarbaen hamu masuk tu luat i.

SURAT NI SI PAULUS TU PARLAGUTAN ROM 12:2

Ulang pahombar hamu dirimunu tu hasiangan on, tapi pauba hamu ma dirimunu markite-hite haimbaruon ni rohamunu anso tartimbang hamu sanga dia do hagiot ni Debata: Na denggan, na tumbuk jana na sanggam.

PANGARATAION 12:4

Muda marsomba hamu tu Tuhan Debatamunu i, ulang tiru-tiru hamu pambaen ni halahi di na mamele angka debata ni halahi.

PANGARATAION 29:17

Madung diida hamu angka patung sihagigian na nisomba ni halahi; angka patung na dibaen sian hayu, batu, perak dohot sere.

PANGARATAION 9:4

Dung dipaorot Tuhan Debatamunu i halahi hara ni hamu, ulang dokkon hamu muse tu dirimunu sandiri, dioban Ia pe hamu tusi anso hamu nampuna tano i, hara ni na burju hamu jana dipatulus hamu hagiot ni Tuhan gabe patut ma hamu manjagitsa. Nada songon i! Dipaorot Tuhan pe angka bangso i di hamu, hara ni na jahat do halahi.