HAMALIMON 18:20 - BIBEL JAMITA NA DENGGAN

²⁰ Ulang marcampur dohot dadaboru ni halak na asing, pangalaho na songon i mambaen ramun ho.

HAMALIMON 18:20 ပူးပေါင်းရင်းမြစ်များ

2 SAMUEL 11:27

Tapi dung abis ari-ari marsiluluton i, disuru alap si Daud ma anakboru i tu bagas godang jana gabe dadaborunia. Nada sadia honok, sorang ma sada anaknia. Tapi nada jop roha ni Tuhan di pangalaho ni si Daud i.

HARURUAR 20:14

Ulang markarosuan.

PODA 6:25

Ulang dihagioti rohamu hajegeson ni halahi, jana ulang tartarik rohamu baenon ni pangkidop ni matana.

JEHESKIEL 18:6

Nada disomba ia gana-ganaan ni halak Israel sanga mangankon haul di angka inganan parsombaan tu debata. Nada jungada digoda ia dadaboru ni halak sanga modom rap dohot dadaboru na ro bulanna.

HAMALIMON 20:10

Muda markarosuan halak Israel dohot dadaboru ni donganna sabangso, halahi na dua, halaklahi dohot dadaboru i angkon rap mate uhumon.

MALEAKI 3:5

“Ro ma Au mandapotkon hamu laho manguhumi hamu. Manigor lehenonKu ma hasaksian mangalo angka pangajii, angka jolma panggampang na manyaksihon gabus, na mamogo upa ni halak pangomo, na manyosak angka na mabalu, na so marama so marina dohot halak sileban. Mangkuling ma Au laho mangalo sude halak na so pasangapkon Au, ninna Tuhan Na Markuaso i.”

SURAT NI SI PAULUS TU PARLAGUTAN ROM 2:22

Diajari hamu anso ulang markarosuan halak na asing, hape apala ho sandiri markarosuan! Goyak rohamunu mida gana-ganaan, hape dibuat hamu sandiri angka barang-barang sian inganan ni gana-ganaan i.

1 KORINTUS 6:9

Nada he diboto hamu do, anggo angka halak na so tigor nada dapotan bagian di Harajaan Ni Debata? Ulang ma hamu lilu! Halak na markarosuan, sioloi gana-ganaan, si pangalangkup, si pangalukluhi, si pandalus-dalus,

GALATIA 5:19

Tangkas do karejo na nibaen ni bako humani na jat i di bagasan angka pangalaho on: Na markarosuan, harorangan, hahodaron;

PANGARATAION 22:22

Muda tardapot sada halaklahi hatiha marcampur dohot dadaboru ni halak na asing angkon mate niuhuman do i dua-dua. Songon i ma dalanna baenonmunu mangagohon hajahatan i.

PANGARATAION 22:25

Umpamana adong ma sada bayo di ladang na mamaksa sada bujing-bujing na dung martunangan, anso marcampur. Anggo di pangalaho na songon on, hum halaklahi i do na angkon mate hona uhum.

PANGARATAION 5:18

Ulang markarosuan.

IBRANI 13:4

Dipatuduhon ganop halak ma sangap di parsaripeonna, hara ni i angkon burju do na mardongan saripe tu donganna saripe i. Halak na markamainan dohot na mambaen na so ture adilan ni Debata do i.