HAMALIMON 17:5 - BIBEL JAMITA NA DENGGAN

⁵ Na nipangido ni parenta on, i ma mamungka saonnari anso sude halak Israel angkon maroban tu Bandar Parmianan Ni Tuhan, i ma angka pahan-pahanan na dung somal disambol di ladang. Saonnari angkon obanon ni halahi noma i jana pasahatonna tu malim di pintu ni Bandar Na Badia jana disi ma disambol na gabe haul haluaan.

HAMALIMON 17:5 ပူးပေါင်းရင်းမြစ်များ

PAMUNGKAAN 21:33

Jadi disuan si Abraham ma sada hayu tamariska jana disomba ia ma Tuhan Debata na manongtong i.

PAMUNGKAAN 22:13

Jadi mangaranap ma si Abraham humaliang jana diida ia ma sada biri-biri jantan na sangkot tandukna di ramba-ramba i. Dibuat si Abraham ma biri-biri i bulus dilehen ia ma i tu Tuhan songon somba-sombania gabe haul na nitutung panggonti ni anaknia i.

PAMUNGKAAN 22:2

Didok Debata ma, “Piohon ma si Ishak anakmu sisada-sada i, anak hasianmi jana kehe ma hamu tu tano Moria. Di adu di sada dolok na giot patuduhononKu tu ho, angkon pasahatonmu ma anakmi gabe haul na nitutung tu Au.”

PAMUNGKAAN 31:54

Disambol ia ma sada pahan-pahanan jana dihaulkon ia ma gabe songon haul na nitutung di ginjang ni dolok i. Diontang ia muse ma angka halaknia rap mangan. Dung abis mangan, marborngin di dolok i ma halahi.

1 RAJA-RAJA 14:23

Di ginjang ni angka dolok dohot di toru ni angka hayu na godang, dipajongjong halahi do angka inganan parsombaan tu gana-ganaan jana dipajongjong halahi angka tugu dohot angka gambaran ni debata boru-boru Asera baen sombaon.

1 RAJA-RAJA 3:2

Angke nada adong dope Bagas Ni Tuhan na dung dipajongjong, laing di angka langgatan na marragam dope rayat i manghaulkon haulna.

1 RAJA-RAJA 3:3

Holong do roha ni si Salomo di Tuhan jana diihutkon ia sude sipaingot ni amangnia. Tapi di piga-piga langgatan dope disambol jana dihaulkon ia angka haulnia.

2 RAJA-RAJA 16:4

Dipelehon si Ahas do angka haul jana ditutung ia do hamonyan di angka inganan pamelean ni debata di angka dolok dohot di toru ni angka hayu na rumbun-rumbun.

2 RAJA-RAJA 17:10

Ganop di puncut ni dolok, dohot di toru ni hayu na rumbun dipajongjong halahi do tugu ni debata sileban dohot gana-ganaan ni debata boru-boru Asera.

2 JUJUR TAON 28:4

Dipelehon si Ahas do haul jana ditutung ia do dupa di angka inganan parsombaan di angka huta-huta na di dolok dohot di toru ni angka hayu na rumbun.

HARURUAR 24:5

Dung i disuru si Musa ma angka doli-doli jana dipasahat halahi ma haul na nitutung tu Tuhan jana disambol halahi ma angka lombu songon haul pardonganan.

JEHESKIEL 20:28

Huoban ma halahi tu tano na dung Hujanjihon tu halahi. Di na niida ni halahi angka dolok na gincat dohot angka hayu na rumbun, dipelehon halahi ma haul tu sude hayu dohot dolok i. Dialap-alapi halahi ma anso muruk au marhite angka haul situtungon dohot pelean anggur ni halahi i.

JEHESKIEL 22:9

Sian tonga-tonga ni halak na mangingani ho adong do deba pajajang-jajang na sai manilakoi halak na asing anso mate hona uhum. Adong muse do na giot mangankon juhut na dung dipelehon tu gana-ganaan. Adong muse dope na sai ra marhamainan.

JEHESKIEL 43:27

Dung marujung sipitu ari i, angkon mamungka ma angka malim mangkaulkon haul situtungon dohot haul pardamean di bangso i di ginjang ni langgatan i. Jadi gabe jop ma rohangKu mida hamu sudena. Au Tuhan Debata madung mandok songon i.”

JEHESKIEL 44:15

Didok Tuhan Debata i ma, “Di na nitadingkon ni bangso Israel Au, anggo angka malim Levi na sian pomparan ni si Zadok hot do mangoloi Au di BagasKu. Hara ni i, angkon halahi noma saonnari mangoloi Au dohot na ro tu adopanKu laho manghaulkon tabo-tabo dohot mudar na sian angka haul i.

HAMALIMON 17:6

Angkon siramkonon ni malim do mudar ni pahan-pahanan i tu topi-topi ni langgatan di pintu ni Bandar Parmianan, lalu manutung tabo-tabona, anso jop roha ni Tuhan hara ni uapna i.

PANGARATAION 12:2

Muda dung masuk hamu tu luat i, angkon roncohononmunu do angka inganan pamelean, inganan ni bangso na maringanan disi mamele angka debata ni halahi di ginjang ni angka dolok na timbo, di angka tor, dohot di toru ni angka hayu na rumbun.