HAMALIMON 17:15 - BIBEL JAMITA NA DENGGAN

¹⁵ Ganop halak Israel sanga halak na leban na mangankon juhut ni pahan-pahanan na mate haram, sanga na nisoro ni binatang panyoro, angkon dibasu ia pakeannia lalu maridi jana painte andospotang pe anso ias ia mangihutkon ugamo.

HAMALIMON 17:15 ပူးပေါင်းရင်းမြစ်များ

HARURUAR 22:30

Lehen ma di Au na parjolo sorang sian pahan-pahananmunu dohot sian biri-birimunu. Padiar hamu ma laing rap dohot inangna pahan-pahanan jantan na parjolo sorang rap dohot indukna i, pitu ari lolotna, jadi pasahat hamu ma i tu Au gabe haul di ari pasalapankon.

HARURUAR 22:31

Angkon badia do hamu di jolongKu, jadi ulang pangan hamu juhut ni binatang bagi aha pe na nisoro ni binatang panyoro, tapi tu anjing ma lehen hamu juhutna i.”

JEHESKIEL 4:14

Tapi hualusi ma, “Iale Tuhan Debata! Sian na menek lopus saonnari, na so unjung dope hupahodar diringku marhite na mangankon bangke ni binatang sanga teba-teba ni soroan ni binatang panyoro. Na so jungada do hupangan sipanganon na margoar na haram.”

JEHESKIEL 44:31

Unggas dohot angka binatang na asing i na mate sandiri, nada tola panganon ni angka malim.”

HAMALIMON 11:24

Gabe hodar do sada halak lopus tu andospotang muda dais ia tu angka binatang on: binatang na martambirik (asing ni na marbola tambirikna jana mangalngei) dohot binatang si opat pat na adong sisilonna panjomak. Sanga ise na maroban bangke ni binatang na songon i, angkon basuonna do pakeanna, tapi laing etongon dope ia na hodar lopus tu kotu magorip.

HAMALIMON 11:31

Barang ise na dais tu binatang i sanga tu bangkena pe, gabe hodar do i lopus tu andospotangna.

HAMALIMON 11:32

Muda madabu bangke ni binatang sisongon i tu sada barang, etongon ma haram barang i. Sanga tu aha pe dipargunahon barang i, nada gabe soal i, tapi tongtong do hodar barang i painte so disornomkon tu aek. Songon i pe i, laing haram do barang i painte andospotang. Mangonai do on tu sude barang na nibaen sian hayu, abit, bobak sanga harung abit.

HAMALIMON 11:39

Muda dais halak tu bangke ni binatang na halal, gabe ramun ma ia lopus tu andospotang.

HAMALIMON 11:40

Muda dipangan halak bangke ni binatang na songon i sanga na ahana pe dipangan ia, angkon dibasu ia pakeannia, jana hodar do ia lopus tu andospotang.

HAMALIMON 15:10

Sanga ise na dais sanga mangangkat bagi aha pe sian juguhan ni halak na songon i, sanga dijama ia so jolo dibasu ia tangannia, gabe ramun ma ia lalu tu andospotang. Angkon basuonnia ma pakeannia lalu maridi jana ramun do ia lalu tu andospotang.

HAMALIMON 15:21

Sanga ise na dais tu inganan na dung nipodoman sanga na nijuguhan ni daboru na ro bulanna i, angkon basuonnia pakeannia lalu maridi jana ramun do ia lalu tu andospotang.

HAMALIMON 15:5

Sanga ise na dais tu halak na mangharuarkon same i sanga dais tu podomanna sanga juguk di inganan na dung nijuguhan sanga na nitijuran ni halahi, angkon basuonnia pakeanna lalu maridi, ramun ma ia lopus tu andospotang.

HAMALIMON 22:8

Nada tola panganonnia juhut ni binatang na mate haram sanga na nisoro ni binatang panyoro. Muda dipangan ia i gabe ramun do ia. Au do Tuhan.

HAMALIMON 7:24

Tabo-tabo sian bangke ni binatang, sanga na nisoro ni binatang panyoro, nada tola panganon, tapi tarpake do i tu angka haporluan na asing.

BILANGAN 19:19

Di ari patoluhon dohot papituhon, halak na dung ias mangihutkon ugamo i angkon mamispisi halak na ramun i. Di ari papituhon tuk ma pangalaho haiason ni halakna i. Dung i basuonnia ma pakeannia lalu maridi. Ias ma halahi lopus tu na lusut mataniari.

BILANGAN 19:21

Tongtong do angkon patulusonmunu aturan on ro di salolotna. Halak na mamispiskon aek i pe angkon dibaen ia pakeannia. Sanga ise na manjama aek i, tongtong do ramun ia, lalu tu andospotang.

BILANGAN 19:8

Halak na manutung lombu i pe angkon dibasu ia pakeannia jana disiram ia pamatangnia dohot aek, ia pe ramun do lopus tu na lusut mataniari.

PANGARATAION 14:21

Bangke ni binatang nada tola panganonmunu. Tapi anggo halak na asing na maringanan di tonga-tongamunu tola do i panganonna jana tola muse do i gadisonmunu tu halak na asing. Bangso ni Tuhan do hamu antong, na marhapunjungan di Debata. Nada tola lompaon anak ni biri-biri dohot hambeng di bagasan susu ni indukna.”

HALUMBAAN 7:14

Jadi hualusi ma, “Tuanku, ho do na umbotosa.” Dung i didok ia ma tu au, “Halak on ma angka na malua sian hasusaan na godang i. Madung dibasu halahi baju juba ni halahi jana bontar dibaen mudar ni Anak Ni Biri-biri i.