HAMALIMON 16:27 - BIBEL JAMITA NA DENGGAN

²⁷ Lombu jantan dohot hambeng na gabe haul hasesaan ni dosa i, na dung dioban mudarna tu Bilik Na Sun Badia gabe hasesaan ni dosa, angkon obanon tu balian ni parbandaran lalu ditutung. Bobakna, juhutna dohot pangisi ni butuha ni pahan-pahanan na dua i angkon sude tutungon.

HAMALIMON 16:27 ပူးပေါင်းရင်းမြစ်များ

HAMALIMON 4:21

Dung i dioban ma lombu jantan i tu ruar anso ditutung di balian ni Bandar Parmianan. Pambaenna dos dohot na pasahat lombu jantan na gabe haul hasesaan ni dosa ni Malim Godang i sandiri. Songon i ma pambaenna laho pasahat haul hasesaan ni dosa ni bangso i.

HAMALIMON 6:11

Dung i angkon gontion ni malim i ma pakeanna lalu maroban abu i tu balian ni bandar, di inganan na ias mangihutkon ugamo.

HAMALIMON 6:23

Haul gandum na nipasahat ni malim i angkon tutungon do lopus masak sude, saotik pe nada tola panganon.

HAMALIMON 6:30

Pahan-pahanan nampuna mudar na dioban tu bagasan Bandar Parmianan, na nipake i laho mangido hasesaan ni dosa, angkon tutungon do sude, nada tola i panganon.

HAMALIMON 8:17

Na lobi sian juhut ni lombu i dibuat ia, i ma: Juhutna, bobak dohot butuhana, sudena i ditutung di balian ni Bandar Parmianan songon na nitontuhon ni Tuhan.