HAMALIMON 16:23 - BIBEL JAMITA NA DENGGAN

²³ Dung salpu songon i masuk ma si Harun tu bagasan Bandar Parmianan mambuka pakean malim na nipakenia taran so masuk tu Bilik Na Sun Badia i anso ditinggalkon ia pakean i disi.

HAMALIMON 16:23 ပူးပေါင်းရင်းမြစ်များ

JEHESKIEL 42:14

Muda dung sidung markarejo angka malim di Bagas Na Badia, jana giot kehe ma tu alaman parruar, angkon tinggalkonon ni halahi ma pakean hapunjungan na nipake ni halahi di na markobasi ibadat i. Angkon pakean na asing noma pakeon ni halahi, baru pe anso tola halahi kehe mandapotkon rayat na marlagut i.”

JEHESKIEL 44:19

Muda kehe halahi tu alaman parruar, inganan parluhutan ni bangso i, angkon tadingkonon ni angka malim i do pakean dinas ni halahi di bagasan bilik-bilik na badia na di BagasKi, lalu marpakean na asing, anso ulang mangalap hamamago pakean i tu bangso i.

HAMALIMON 16:22

Obanon ni hambeng i ma dosa ni bangso Israel tu sada luat na gariang na so diingani jolma.

HAMALIMON 16:4

Dung i dilehen Tuhan muse dope angka paraturan. Taran so masuk si Harun tu Bilik Na Sun Badia i, angkon maridi ia jolo, dung i dipake ia pakean ni malim, i ma baju dohot saraor pendek sian abit linen, bobat dohot saroben.

HAMALIMON 6:11

Dung i angkon gontion ni malim i ma pakeanna lalu maroban abu i tu balian ni bandar, di inganan na ias mangihutkon ugamo.

SURAT NI SI PAULUS TU PARLAGUTAN ROM 8:3

Sanga aha na so tarpatupa Tona i, hara ni bako ni hajolmaonta na gale, madung dibaen Debata. Madung ditaluhon Debata do kuaso ni dosa na di bagasan bako ni jolma i, i ma markite-hite na marsuru AnakNia sandiri, na ro di bagasan pangalaho na sarupa dohot jolma pardosa, laho manyesa dosa.

IBRANI 9:28

Laing songon i do Kristus i, hum sanoli sajo do Ia nihaulkon songon haul laho manyesa dosa ni bahat halak. Ro dope Ia nian paduanolihon tapi nada mamorsan dosa be; na giot paluahon angka jolma na paintehon haroroNia noma.