HAMALIMON 16:21 - BIBEL JAMITA NA DENGGAN

²¹ Diampehon ia ma tangannia dua-dua tu ginjang ni ulu ni hambeng i lalu mangoku sude hasalaan, dosa, bope pangalaosion ni bangso Israel. Marhite na songon i, sude hajahatan ni bangso Israel dipayakkon tu ginjang ni ulu ni hambeng i. Dung i adong do sada halak na dung nitontuhon hian mangayak hambeng i tu parhorsihan.

HAMALIMON 16:21 ပူးပေါင်းရင်းမြစ်များ

ESRA 10:1

Jadi taran na martangiang i si Esra lalu na tangis ia mangaku dosa di Bagas Ni Tuhan i, bahat sajo do halak Israel ro marlagut, halaklahi bope dadaboru dohot angka dakdanak. Dihuliangi halahi ma ia lalu tangis mangangguhi.

MASMUR 32:5

Jadi gabe huoku dosangku tu Ho, nada adong hubunihon hasalaanku tu Ho. Diputuskon rohangku do mangoku i tu Ho, gabe diampuni Ho sude dosangku tu Ho.

MASMUR 51:3

Huboto do angka hasalaanku, sai taringot do di rohangku angka dosangku.

HARURUAR 29:10

Oban ma lombu jantan i tu jolo ni Bandar ParmiananKu. Angkon ampehonon ni si Harun dohot angka anaknia i ma tangan ni halahi tu ulu ni lombu jantan i.

PODA 28:13

Na manabunihon dosana, nada i maruntung. Sanga ise na mangokui jana manadingkon dosana, Debata do, mangalehen ampun.

JESAYA 53:6

Lilu do hita sudena songon biri-biri, marsitondong dalanna be. tapi madung dihonahon Tuhan tusia sude hajahatanta.

HAMALIMON 1:4

Dung i payakkonon ni halahi ma tanganna tu ginjang ni ulu ni pahan-pahanan i, gabe jagiton ni Tuhan i ma silehen-lehenna i gabe haul hasesaan ni dosa ni halahi.

HAMALIMON 16:20

“Dung salose si Harun patulus karejo habadiaan ni Bilik Na Sun Badia dohot angka bagian na asing sian Bandar Parmianan Ni Tuhan bope langgatan, angkon pasahatonnia ma tu Tuhan hambeng na mangolu na dung dipili tu si Asasel.

HAMALIMON 16:22

Obanon ni hambeng i ma dosa ni bangso Israel tu sada luat na gariang na so diingani jolma.

HAMALIMON 26:40

Tapi anggo pomparanmu dioku halahi do dosa ni halahi sandiri dohot dosa ni ompu ni halahi, na dung mardosa hara ni na dialo halahi Au,

HAMALIMON 5:5

Di bagasan angka pangalaho na nigoaran i, angkon akuon ni halahi do hasalaanna.

SURAT NI SI PAULUS TU PARLAGUTAN ROM 10:10

Harana marhite roha do halak porsaya jana dipatigor. Jana marhite pamanganna do halak mangoku, gabe dipalua.

2 KORINTUS 5:21

Nada mardosa Kristus i, hape gabe dosa do Ia dibaen Debata jana dipaporsankon do tuSia dosanta i, anso tajagit hatigoran ni Debata hara ni hasadaonta dohot Kristus i.