HAMALIMON 16:2 - BIBEL JAMITA NA DENGGAN

² Ning Ia ma, “Pabolkas ma tu angkangmu si Harun, anso hum di hatiha na dung ditontuhon do tola masuk ia tu Bilik Na Sun Badia di pudi ni hire-hire i, angke disi do giot patidahononKu diringKu di bagasan ombun di ginjang ni Poti Parjanjian i. Muda dilaosi si Harun do parenta i, hona bunu ma ia.

HAMALIMON 16:2 ပူးပေါင်းရင်းမြစ်များ

1 RAJA-RAJA 6:16

Di bagasan bagas i sabola sian pudi dibaen bilik na mamake pamolat sian hayu ares, mamungka sian lante lalu tu loteng. Digoar ma bilik i, Bilik Na Sun Badia, ginjangna 9 meter.

1 RAJA-RAJA 8:6

Dung songon i dioban angka malim ma Poti Parjanjian i tu bagasan Bagas Ni Debata jana dipayakkon halahi ma i di Bilik Na Sun Badia di toru ni gambaran ni angka kerub i.

HARURUAR 30:10

Sanoli sataon angkon baenon ni si Harun upacara pabadiahon langgatan i; dipispis ia ma tandukna na opat i dohot mudar ni binatang na dihaulkon i baen panyesa ni dosa. Angkon baenon do songon i ganop taon sapanjangna. Angkon badia do langgatan on sudena, dihaulkon tu Au Tuhan.”

HAMALIMON 16:13

Di jolo ni Tuhan angkon baenonnia hamonyan i tu bagasan api. Digohi timus i ma tutup ni Poti Parjanjian i, anso ulang tarpaida si Harun – angke, muda diida ia i, mate noma ia.

HAMALIMON 16:34

Pesta on angkon baenon sanoli sataon laho paiaskon Israel sian dosa ni halahi. Songon i ma angka aturan na nigoaran i angkon patuluson ro di salolot-lolotna.” Si Musa pe dikarejohon ia ma songon na dung diparentahon ni Tuhan i.

HAMALIMON 8:35

Angkon donok tu pintu ni Bandar Parmianan Ni Tuhan i do hamu arian dohot borngin pitu ari honokna, laho mangkarejohon sanga aha na nidok ni Tuhan. Muda nada dibaen hamu songon i, mate ma hamu. Songon i do didok Tuhan i tu au.”

BILANGAN 17:10

Dung i didok Tuhan ma tu si Musa, “Payakkon ma mangulahi tungkot ni si Harun i di jolo ni Poti Parjanjian i. Angkon simpanon do tungkot i, gabe parningotan di halak Israel na sai ra mangalo i, bahaso angkon mate halahi muda sai dipupu halahi marungut-ungut.”

BILANGAN 18:7

Tapi hum ho dohot anakmu sajo do na tola mandalankon karejo ni malim na mardomu dohot langgatan bope dohot barang aha pe na adong di Bilik Na Sun Badia i. I ma karejomu, dibaen madung Hubaen hamu gabe malim. Ganop halak na so dapotan hak na songon i angkon mate uhumon muda donok tu angka barang na badia i.”

BILANGAN 4:5

Dilehen Tuhan ma angka parenta tu si Musa songon on: Muda dapot hatiha mambuka parbandaran i, angkon masuk ma si Harun dohot angka anaknia tu Bandar ParmiananKu, lalu paijurkon tire na di jolo ni Poti Parjanjian, dung i ditutup ma Poti i dohot tire i.

MATEUS 27:51

Dung i manigor masibak ma tire na di Bagas Ni Debata bola dua sian ginjang lalu tu toru. Humutur ma tano i, mangkabola ma angka dolok batu.

IBRANI 6:19

Arop ni rohanta i ma na gabe sitiopan na togu jana na pasonangkon rohanta di ngolu on, na dung masuk lalu tu pudi ni tire i.

IBRANI 9:25

Ganop taon do Malim Godang ni halak Jahudi masuk tu Bilik Na Sun Badia na di Bagas Ni Debata, maroban mudar ni sada pahan-pahanan. Tapi anggo Kristus nada marpupu Ia manghaulkon diriNia.

IBRANI 9:3

Dibagasanna i muse, i ma na di balik ni tire na paduahon, adong ma sada bilik na nigoaran Bilik Na Sun Badia.

IBRANI 9:5

Di ginjang ni poti i adong ma dua kerub na manggambarkon na disi do Debata. Mangerbang ma habong ni kerub i di ginjang inganan pamispisan ni mudar, tanda ni hasesaan ni dosa i. Tapi nada tarpatorang sudena i pasada-sada saonnari.

HALUMBAAN 15:8

Jadi gok ma antong Bagas Na Badia i dohot timus sian hasangapan dohot sian hara ni kuasoNia. Jana salolot so sidung dope mara na pitu i dibaen surusuruan na pitu i, sahalak pe nada dipatola masuk tu bagasan Bagas Na Badia i.