HAMALIMON 16:16 - BIBEL JAMITA NA DENGGAN

¹⁶ Songon i ma pangalahona laho paiaskon Bilik Na Sun Badia sian haramunon ni bangso Israel dohot sian sude dosa ni halahi. Bandar Parmianan i angkon badia baenon, angke ingananna di tonga-tonga ni halahi i do, jana hona tu haramunon ni halahi.

HAMALIMON 16:16 ပူးပေါင်းရင်းမြစ်များ

HARURUAR 30:10

Sanoli sataon angkon baenon ni si Harun upacara pabadiahon langgatan i; dipispis ia ma tandukna na opat i dohot mudar ni binatang na dihaulkon i baen panyesa ni dosa. Angkon baenon do songon i ganop taon sapanjangna. Angkon badia do langgatan on sudena, dihaulkon tu Au Tuhan.”

HAMALIMON 16:17

Mamungka sian dung masuk si Harun tu Bilik Na Sun Badia i mangkarejohon pangalaho habadiaan lopus tu na haruar ia, sahalak pe inda tola masuk tu Bandar Parmianan, dung salose patulus upacara taringot tu dirina sandiri, tu halahi sabagas dohot tu sude halak na bahat i,

HAMALIMON 16:18

haruar ma si Harun kehe tu langgatan ni haul situtungon laho pabadiahon langgatan i. Angkon buatonnia saotik sian mudar ni lombu dohot hambeng i, anso diusehon tu ginjang ni angka tanduk na di suhi-suhi ni langgatan i.

HAMALIMON 8:15

Disambol si Musa ma lombu i, dibuat ia deba mudarna, didaiskon ia ma mudar ni lombu i dohot jari-jari ni tangannia tu angka tanduk na di suhi-suhi ni langgatan i, anso gabe Debata nampuna langgatan i. Disaburkon ia ma mudar na lobi i tu ojahan ni langgatan i. Songon i ma pangalahona paias langgatan i mangihutkon ugamo sipasahaton tu Tuhan.

BILANGAN 17:11

Dipatulus si Musa ma sude na niparentahon ni Tuhan i.

BILANGAN 28:15

Songon tamba ni haul situtungon siganop ari dohot haul aek ni anggur, angkon laing lehenonmunu dope sada hambeng jantan gabe haul hasesaan ni dosa.”

JOHANNES 14:3

Dung kehe Au pasingkop inganan i di hamu, mulak pe Au anso laing disi muse ma hamu.

IBRANI 2:17

Jadi astuanna, angkon sarupa do Ia dohot halahi di sude pangalaho. Jadi dung songon i tarbaen Ia ma diriNia gabe Malim Godang ni halahi, na burju jana na maribo ni roha di na nioloanNia Debata laho manyesa angka dosa ni halahi.