HAMALIMON 16:12 - BIBEL JAMITA NA DENGGAN

¹² angkon buatonnia sian langgatan inganan ni api dohot banggar ni api, dohot duanggolom hamonyan na halus, lalu dioban ia tu Bilik Na Sun Badia.

HAMALIMON 16:12 ပူးပေါင်းရင်းမြစ်များ

HARURUAR 31:11

miak upacara, dohot hamonyan na huskus di Inganan Na Badia. Sasudena i angkon tumbuk do songon na Hudok tu ho baenon ni halahi.”

HARURUAR 37:29

Ditanak si Besaleel muse ma miak upacara dohot pultak ni hamonyan na huskus, dicampur songon miak na huskus.

HAMALIMON 10:1

Di na sadari, ro ma angka anak ni si Harun, i ma si Nadab dohot si Abihu, rap mambuat inganan ni apina be, lalu mangisi banggar tusi. Ditambahon halahi dope hamonyan tu api i, dung i dipasahat halahi ma i tu Tuhan. Tapi nada badia api i angke nada na nisuru ni Tuhan halahi pasahatkonsa.

BILANGAN 16:18

Jadi ganop halahi marsioban inganan ni apina be lalu mambaen lima kibung banggar ni api dohot hamonyan tu bagasan, dung i jongjong di pintu ni Bandar Parmianan rap dohot si Musa dohot si Harun.

BILANGAN 16:46

didok si Musa ma tu si Harun, “Buat ma inganan ni apimi, pamasuk tusi lima kamata banggar na gara sian langgatan jana baen saotik hamonyan tu banggar i. Sigop ma oban tu halak na bahat i jana baen upacara hasesaan ni dosa di halahi. Sigop ma! Madung mardalan muruk ni Tuhan, madung mamungka ro nyae na mangalangkoti.”

PANGARATAION 33:10

Diajari halahi do bangsoMu mangoloi UhumMu; dibaen halahi do haul di langgatanMu.

IBRANI 9:14

mur ma mudar ni Kristus! Markite-hite Tondi na manongtong, dihaulkon Kristus do diriNia sandiri tu Debata gabe haul na sanggam. Dipaias mudarNia i do taroktokta sian angka karejo na so marguna, anso tarbaen hita dohot mangoloi karejo na so marguna, anso tarbaen hita dohot mangoloi Debata na mangolu i.

IBRANI 9:7

Anggo na masuk tu bilik parbagasan ni bandar i hum Malim Godang i sajo do. I pe, hum sanoli sataon do i tola. I pe angkon mamboan mudar do ia patuluskon i, i ma sisombahononkon tu Debata hara ni ia sandiri dohot hara ni angka dosa na nibaen ni bangsonia i sian na so pamotoanna.

1 JOHANNES 1:7

Tapi muda mangolu di na torang hita laing songon Debata na maringanan di na torang i, gabe mangolu ma hita di bagasan pardomuan na solkot na sada tu na asing, jana hara ni mudar ni Jesus AnakNa i gabe ias ma hita sian sasude dosanta.

HALUMBAAN 8:5

Dung i dibuat surusuruan i ma pardupaan i jana dibaen ia ma banggar na gara tusi sian meja parkaulan i, didanggurkon ia ma i tu tano on. Mangkuling ma ronggur, ro ma hilap na sumiksak jana ro ma lalo.