HAMALIMON 15:5 - BIBEL JAMITA NA DENGGAN

^5-8 Sanga ise na dais tu halak na mangharuarkon same i sanga dais tu podomanna sanga juguk di inganan na dung nijuguhan sanga na nitijuran ni halahi, angkon basuonnia pakeanna lalu maridi, ramun ma ia lopus tu andospotang.

HAMALIMON 15:5 ပူးပေါင်းရင်းမြစ်များ

MASMUR 26:6

O Tuhan, hubasu tanganku tanda na so marsala au, jana dohot au mardalan manghaliangi langgatanMu,

MASMUR 51:2

Basu ma sude hajahatanku paias ma au sian sude dosangku.

MASMUR 51:7

Buat ma dosangki, gabe ias ma au; basu ma au, jadi gabe umbontar ma au sian hapas.

HARURUAR 19:10

jana didok Tuhan ma tusia, “Kehe ma ho manopotkon halahi jana suru ma halahi marhobas sadari on dohot ancogot laho maribadat. Angkon basuon ni halahi do pakeanna be.

JESAYA 1:16

Basu hamu ma jolo dirimunu lopus ias. Antak hamu ma sude hajahatan na nibaenmunu i. Olo, ulang be didatdati hamu mambaen na jat,

JESAYA 22:14

Dipataridahon Tuhan, Tuhan Na Markuaso i do diriNa tu au jana didok, “Sanga na bia pe nada Huampuni be anggo hajahatan ni halahi i, lopus mate be halahi. Tuhan, Tuhan Na Markuaso do mandok i.”

JEHESKIEL 36:25

Dung i pispisonKu ma hamu dohot aek na lan, anso ias hamu sian sude gana-ganaanmunu dohot sian sasude na pahodarkon hamu.

JEHESKIEL 36:29

PaluaonKu ma hamu sian sasude na pahodar hamu. LehenonKu ma parenta tu gandum anso simbur tubu anso ulang be ro haleon mangalingkup hamu.

HAMALIMON 11:24

Gabe hodar do sada halak lopus tu andospotang muda dais ia tu angka binatang on: binatang na martambirik (asing ni na marbola tambirikna jana mangalngei) dohot binatang si opat pat na adong sisilonna panjomak. Sanga ise na maroban bangke ni binatang na songon i, angkon basuonna do pakeanna, tapi laing etongon dope ia na hodar lopus tu kotu magorip.

HAMALIMON 11:32

Muda madabu bangke ni binatang sisongon i tu sada barang, etongon ma haram barang i. Sanga tu aha pe dipargunahon barang i, nada gabe soal i, tapi tongtong do hodar barang i painte so disornomkon tu aek. Songon i pe i, laing haram do barang i painte andospotang. Mangonai do on tu sude barang na nibaen sian hayu, abit, bobak sanga harung abit.

HAMALIMON 13:34

Di ari papituhon, paresoon ni malim ma mangulahi, muda laing nada manamba na mahancit i, dung i muse nada umbagas na mahancit i sian sibuk humaliangna, pabotohonon ma na dung ias halahi jana angkon basuonnia pakeanna.

HAMALIMON 13:6

Di ari papituhon paresoon ni malim i ma mangulahi, muda mur mago na hancit i nada mur tamba, pabotohonon ni malim i ma paboa na dung ias halahi. Nyae ni huling-kuling na so pola parmaraan do i. Basuon ni halakna i ma pakeanna jana gabe ias ma ia.

HAMALIMON 14:27

dung i jari-jari ni tangan siamunnia mamistikkon miak i pitu noli tu Bandar Parmianan Ni Tuhan.

HAMALIMON 15:18

Muda dung marcampur halaklahi dohot dadaboru, angkon maridi do, tapi laing ramun do halahi lalu tu andospotang.

HAMALIMON 15:4

Podoman na nijuguhan sanga na nipodoman ni halahi, ramun do.

HAMALIMON 16:26

Halak na mangayak hambeng i tu si Asasel di halongonan angkon basuonnia pakeannia jana maridi taran so mulak ia tu parbandaran i.

HAMALIMON 16:28

Halak na manutung i, angkon mamasu pakeanna lalu maridi taran so mulak ia tu parbandaran.”

HAMALIMON 17:15

Ganop halak Israel sanga halak na leban na mangankon juhut ni pahan-pahanan na mate haram, sanga na nisoro ni binatang panyoro, angkon dibasu ia pakeannia lalu maridi jana painte andospotang pe anso ias ia mangihutkon ugamo.

BILANGAN 19:10

Halak na palagutkon abuan ni lombu i, angkon dibasu ia pakeannia, tapi lalu tu andospotang laing etongon do ia na ramun. Marlaku do aturan on ro di salolotna, bope di halak Israel bope di halak na leban na maringanan ditonga-tonga ni halahi.

BILANGAN 19:22

Sanga aha na nijama ni halak na ramun i gabe ramun muse, dohot halak na asing na manjamasa gabe ramun muse lalu tu andospotang.

IBRANI 10:22

Antong hara ni i, tapadonok ma tu Debata mardongan roha na bulus dohot haporsayaan na tutu tu Debata; bope dohot roha na dung dipaias sian pangkilalaan na sala, bope dohot pamatang na dung nipaias dohot aek na lan.

IBRANI 9:14

mur ma mudar ni Kristus! Markite-hite Tondi na manongtong, dihaulkon Kristus do diriNia sandiri tu Debata gabe haul na sanggam. Dipaias mudarNia i do taroktokta sian angka karejo na so marguna, anso tarbaen hita dohot mangoloi karejo na so marguna, anso tarbaen hita dohot mangoloi Debata na mangolu i.

IBRANI 9:26

Harana muda songon i do, gabe marpupu do Ia manaon parkancitan mamungka sian dung ditompa portibi on. Hape anggo satutuna, saonnari di hatiha na giot marujung on, hum sanoli sajo do Ia ro laho manyesa dosa markite-hite na mangalehen diriNa sandiri.

JAKOBUS 4:8

Pasolkot hamu ma tu Debata, jana Debata pe padonohonNa ma tu hamu. Hamu dongan na mardosa, paias hamu ma tanganmunu! Hamu na mardua roha, paias hamu ma rohamunu.

HALUMBAAN 7:14

Jadi hualusi ma, “Tuanku, ho do na umbotosa.” Dung i didok ia ma tu au, “Halak on ma angka na malua sian hasusaan na godang i. Madung dibasu halahi baju juba ni halahi jana bontar dibaen mudar ni Anak Ni Biri-biri i.

1 SAMUEL 20:26

Tapi nada ditaringoti si Saul taringot tusi anggo di na sadari i, harana dipikir ia, “Aropku na adong do sanga na aha na masa tusia gabe nada ias ia.”