HAMALIMON 15:31 - BIBEL JAMITA NA DENGGAN

³¹ Disuru Tuhan do si Musa paingotkon halak Israel anso diparate-atehon halahi sanga andigan halahi ramun jana andigan na so ramun, anso ulang gabe dipahodar halahi Bandar Parmianan Ni Tuhan na di tonga-tonga ni parbandaran ni bangso i. Muda dipahodar halahi Bandar Na Badia i, angkon bunuon halahi.

HAMALIMON 15:31 ပူးပေါင်းရင်းမြစ်များ

MASMUR 66:18

Sugari na sonang rohangku mamikir hajahatan, pasti nada ra Tuhan umbegean.

JEHESKIEL 23:38

Jana nada i sajo dope. Hodar muse do dibaen halahi inganan na badiangKu dohot Ari Sabat na dung Hutontuhon i.

JEHESKIEL 36:17

“Ale anak ni jolma parsantongkinan, taran maringanan halak Israel di tanona sandiri, dipahodar halahi do i marhite pambaenan dohot pangalaho ni halahi. Haram do Huetong pangalaho ni halahi i, songon dadaboru na ro bulanna.

JEHESKIEL 44:23

Angkon ajarkonon ni angka malim do tu bangsongKu sanga dia angka na ditontuhon gabe hapunjunganKu dohot na so hapunjunganku, dia na ias mangihutkon ugamo dohot na hodar.

JEHESKIEL 5:11

Dibaen i, songon sintongna mangolu Au, ninna Tuhan Debata: Hara ni na dung dipahodar ho inganan na badiangKu marhite sude pambaenanmu na jahat jana sihagigian i, roncohononKu ma ho nada adong ampunna.

DANIEL 9:27

Baenon ni raja i ma parjanjian na togu dohot bahat jolma pitu taon honokna. Di Parsitongaan ni hatiha i antahonnia ma na mambaen pelean dohot haul. Dung i Hajahatan Na Manyegohon baenonna ma maringanan di Bagas Ni Tuhan jana sai tongtong ma i disi lopus didondoni hamamago na mambaen ia tusi, i ma hamamago na nitontuhon ni Debata disia.”

HAMALIMON 11:47

Tangkas ma pareso hamu, dia do na ias mangihutkon ugamo jana halal, bope dia na kotor mangihutkon ugamo jana haram.

HAMALIMON 13:59

Songon i ma angka aturan taringot tu na lapuhon na dapot di pakean linen sanga wol sanga di barang aha sajo pe na binaen sian bobak.

HAMALIMON 15:32

Songon i ma angka paraturan tu halaklahi na mangharuarkon aekna sanga na sabur samena sian pamatangna,

HAMALIMON 19:30

Ingot ma Ari Sabat jana pasangap ma sanga di dia inganan manyomba Au. Au do Tuhan.

HAMALIMON 20:3

Muda adong sahalak na mangalehen anakna tu Debata Molok jabat gabe ramun Bandar Na Badia i jana palayas goarKu na badia i, Au ma alona jana nada etongon be i sada sian halakKu.

HAMALIMON 21:23

Hara ni na adong tihas ni pamatangna gabe nada tola donok ia tu tire na badia, sanga mandonohi langgatan i. Nada tola ramun baenonna angka barang na dung gabe hapunjunganKi, angke Au do Tuhan jana Au do paasingkon barang-barang i.”

BILANGAN 19:13

Sanga ise na manjama bangke jana nada dipaias ia pamatangnia, i ma halak na ramun, angke aek na dung ditontuhon i nada disiramkon dope tusia. Na paramunkon Bandar Parmianan Ni Tuhan do ia, hara ni i nada etongon be ia halak ni Debata.

BILANGAN 19:20

Sanga ise na ramun hape nada dibaen ia upacara haiason i, disi tongtong do ia ramun dibaen nada disiram dope ia dohot aek na mardomu tusi. Madung diramuni ia Bandar Parmianan Ni Tuhan jana nada etongon be ia sahalak sian bangso ni Debata.

BILANGAN 5:3

Bope halaklahi sanga dadaboru angkon suruonmu kehe tu balian ni parbandaran, anso ulang diramuni halahi inganan parbandaran, ingananKu rap dohot halahi.”

1 KORINTUS 3:17

Muda adong halak na manyegohon Bagas Ni Debata, segohonon ni Debata muse ma halakna i. Harana anggo Bagas Ni Debata na badia do, jana hamu ma bagas i.

PANGARATAION 24:8

Muda hona nyae kusta na marbahaya hamu, angkon tangkas sajo do patulusonmunu sanga aha na niparentahon ni Malim Levi tu hamu; ihutkon hamu ma angka sipaingot na dung hulehen tu halahi.

IBRANI 10:29

Haru tu halak na songon i, i ma borat ni uhumanna, mur bia muse dope ulaning borat ni uhuman tu angka jolma na songon on: Na mangalayasi Anak Ni Debata, halak na marnayang ni roha mida hamamate ni Kristus na songon jaminan ni janji ni Debata na mangkaholongi Ia. Hilala hamu ma sanga bia dokdok ni uhuman tu angka jolma sisongon i!

JUDAS 1:4

Angke madung adong masuk tu tonga-tonganta sian angka halak na so porsaya so sian pamotoanta. Dipabalik-balik halahi do jamita taringot tu asi ni roha ni Tuhanta i, anso tarbaen halahi patuluskon angka parange ni halahi na so ture. Jana na so ra do halahi mangoku paboa Jesus Kristus do Parkuaso dohot Tuhanta na sasada i. Mamungka sian nahinan madung dipaboa hian di Buku Na Badia i uhuman na tu halahi.

1 SAMUEL 3:14

Jadi marsumpa do Au hara ni i maradopkon horong ni si Eli, anggo dosa na lobi godang i nada tarsesa be i hara ni haul sanga na nihaulkon bagi aha pe.”