HAMALIMON 15:28 - BIBEL JAMITA NA DENGGAN

²⁸ Dung mantak mudar i, angkon painteon ni daboru i pitu ari nari. Dung i pe anso ias ia mangihutkon ugamo.

HAMALIMON 15:28 ပူးပေါင်းရင်းမြစ်များ

HAMALIMON 15:27

Sanga ise dais tu inganan i gabe ramun. Angkon basuonnia pakeannia lalu maridi, ramun do ia lalu tu andospotang.

HAMALIMON 15:29

Di ari pasalapankon angkon obanonnia ma dua darapati sanga hatutu tu malim i di pintu ni Bandar Parmianan Ni Tuhan.

MATEUS 1:21

Sorang ma sian ia sada anak halaklahi, angkon Jesus do baenonmu goar ni Dakdanak i. Harana, giot paluaonNia ma bangsoNa sian angka dosa ni halahi be.”

1 KORINTUS 1:30

Hara ni na nibaen ni Debata sandiri do umbaen na gabe mardomu hamu dohot Kristus Jesus. Na nilehen ni Debata do Kristus tu hita, anso marguru tu Kristus hamaloanta. Angke Kristus do na padenggankon hita mangulahi dohot Debata. Laing Kristus do na papitahon hita anso gabe bangso na polin hita di Debata. Kristus muse do na paluahon hita.

1 KORINTUS 6:11

Songon i hian do deba sian hamu najolo. Tapi anggo saonnari madung dipaias hamu sian dosa, madung diparbadiai, jana madung dipatigor hamu di bagasan goar ni Tuhan Jesus Kristus dohot di bagasan Tondi Ni Debatanta.

GALATIA 3:13

Madung ditobus Kristus hita sian bura ni Tona i, markite-hite na gabe bura hara ni hita, angke tarsurat do, “Na hona bura do sanga ise na hona gantung di hayu parsilang.”

GALATIA 4:4

Tapi dung dapot hatiha hadenggananna, disuru Debata ma AnakNia i tu portibi on. Na sorang sian sada dadaboru do AnakNa i jana na mangolu di toru ni Tona i.