HAMALIMON 15:18 - BIBEL JAMITA NA DENGGAN

¹⁸ Muda dung marcampur halaklahi dohot dadaboru, angkon maridi do, tapi laing ramun do halahi lalu tu andospotang.

HAMALIMON 15:18 ပူးပေါင်းရင်းမြစ်များ

2 SAMUEL 11:4

Disuru alap si Daud ma anakboru i, jana dung ro ia tu bagas godang, rap modom ma si Daud dohot ia. (Na baru patupahon upacara paias diri dope si Batseba dung ias bulannia.) Dung i mulak ma ia tu bagasnia.

MASMUR 51:5

Olo tutu do na jahat au mamungka sorang, dirajai dosa do au mamungka sian bortian.

HARURUAR 19:15

Jana didok si Musa ma tu halahi, “Angkon hobas do hamu haduan jana ulang hamu marcampur sahatiha on.”

HAMALIMON 15:16

Muda sabur same ni halaklahi, angkon basuonnia sude pamatangnia, ramun do ia lalu tu andospotang.

HAMALIMON 15:17

Sanga barang aha sajo pe sian abit sanga bobak hadabuan ni samena i, angkon basuon; ramun do barang i lalu tu andospotang.

HAMALIMON 15:5

Sanga ise na dais tu halak na mangharuarkon same i sanga dais tu podomanna sanga juguk di inganan na dung nijuguhan sanga na nitijuran ni halahi, angkon basuonnia pakeanna lalu maridi, ramun ma ia lopus tu andospotang.

1 KORINTUS 6:12

Adong do deba na mandok, “Sanga aha pe tola do baenonniba.” Tapi anggo di au nada sude marguna. Jadi haru pe tola au mambaen sanga na aha, nada ra au padiarkon diringku dirajai sanga na aha pe.

1 KORINTUS 6:18

Padao hamu ma dirimunu sian hahodaron. Angke sude dosa na asing i na nibaen ni jolma, di ruar ni pamatangna do i tarjadi. Tapi anggo halak na marhamainan, na mambaen dosa tu pamatangna sandiri do i!

2 TIMOTEUS 2:22

Orom ma dirimu taringot tu angka hasonangan ni na poso-poso. Haburjuhon ma mangoloi hagiot ni Debata, manghaporsayai Ia jana marholong ni roha dohot hadameon ni roha. Saroha ma ho na mangolu i rap dohot angka dongan na mangido tolong sian Tuhan mardongan roha na ias.

IBRANI 13:4

Dipatuduhon ganop halak ma sangap di parsaripeonna, hara ni i angkon burju do na mardongan saripe tu donganna saripe i. Halak na markamainan dohot na mambaen na so ture adilan ni Debata do i.

1 PETRUS 2:11

Hamu angka dongan na nihaholongan! Halak na asing do hamu jana pangaranto di tano on. Hara ni i gomos hupangido tu hamu anso ulang ihutkon hamu hagiot ni jolma na sai marporang mangalo tondi.