HAMALIMON 15:16 - BIBEL JAMITA NA DENGGAN

¹⁶ Muda sabur same ni halaklahi, angkon basuonnia sude pamatangnia, ramun do ia lalu tu andospotang.

HAMALIMON 15:16 ပူးပေါင်းရင်းမြစ်များ

HAMALIMON 15:17

Sanga barang aha sajo pe sian abit sanga bobak hadabuan ni samena i, angkon basuon; ramun do barang i lalu tu andospotang.

HAMALIMON 15:18

Muda dung marcampur halaklahi dohot dadaboru, angkon maridi do, tapi laing ramun do halahi lalu tu andospotang.

HAMALIMON 15:5

Sanga ise na dais tu halak na mangharuarkon same i sanga dais tu podomanna sanga juguk di inganan na dung nijuguhan sanga na nitijuran ni halahi, angkon basuonnia pakeanna lalu maridi, ramun ma ia lopus tu andospotang.

HAMALIMON 22:4

Sada sian pomparan ni si Harun na hona kusta sanga na mangharuarkon aek, nada tola mangankon sian silehen-lehen na badia i, salolot so dipaboa na dung ias ia mangihutkon ugamo. Gabe ramun do sada malim muda dais ia tu sada na ramun hara ni na hona tu bangke. Gabe ramun muse do ia muda haruar same ni pamatangnia

2 KORINTUS 7:1

Antong hamu ale dongan na nihaholongan! Tu hita do dibaen angka janji i sudena. Tapaias ma dirinta sian sasude na pahodarkon pamatang dohot rohanta. Tahabiari ma Debata, anso sanggam tarbaen hita mangolu mamunjung tu Debata.

PANGARATAION 23:12

Angkon baenonmunu do inganan tu aek na menek di ruar ni bandar i.

1 PETRUS 2:11

Hamu angka dongan na nihaholongan! Halak na asing do hamu jana pangaranto di tano on. Hara ni i gomos hupangido tu hamu anso ulang ihutkon hamu hagiot ni jolma na sai marporang mangalo tondi.

1 JOHANNES 1:7

Tapi muda mangolu di na torang hita laing songon Debata na maringanan di na torang i, gabe mangolu ma hita di bagasan pardomuan na solkot na sada tu na asing, jana hara ni mudar ni Jesus AnakNa i gabe ias ma hita sian sasude dosanta.