HAMALIMON 14:7 - BIBEL JAMITA NA DENGGAN

⁷ Mudar ni unggas i angkon pistikkononkon ni malim i pitu noli tu ginjang ni halak na dung malum i, dung i dohonon ni malim i ma na dung ias halakna i. Dung i unggas na mangolu i paluaon ma songon i.

HAMALIMON 14:7 ပူးပေါင်းရင်းမြစ်များ

2 RAJA-RAJA 5:10

Jadi disuru si Elisa ma sahalak pangurupi laho mandok tu si Naaman songon on, “Kehe ma tuan i maridi pitu noli tu Batang aek Jordan, malum ma naron sude dihilala tuan i.”

2 RAJA-RAJA 5:14

Jadi kehe ma si Naaman tu Batang aek Jordan, masuk ma ia markonong tu bagasan aek i pitu noli songon na nidok ni si Elisa i. Gabe malum ma si Naaman; torkis ma pamatangnia i mulak songon dia ma pamatang ni doli-doli.

MASMUR 51:2

Basu ma sude hajahatanku paias ma au sian sude dosangku.

MASMUR 51:7

Buat ma dosangki, gabe ias ma au; basu ma au, jadi gabe umbontar ma au sian hapas.

JESAYA 52:15

Tapi anggo saonnari bahat bangso homang hara ni ia, mangkohom angka raja hara ni longangna. Angke na so dibaritahon humani tu halahi, ligion ni halahi ma saonnari, dohot aha na so binege ni halahi, astuanna ma saonnari.

JEHESKIEL 36:25

Dung i pispisonKu ma hamu dohot aek na lan, anso ias hamu sian sude gana-ganaanmunu dohot sian sasude na pahodarkon hamu.

DANIEL 9:24

Pitu noli pitu pulu taon, i ma hatiha na ditontuhon ni Debata laho paluahon bangsomu dohot kotamu na badia i sian dosa dohot hajahatan. Ampunan noma sude jana pahoton hatigoran na manongtong, lopus gabe tulus tarjadi parnidaan i, jana Bagas Ni Tuhan na badia i pasahaton ma mangulahi tu Tuhan i.

HAMALIMON 13:13

angkon paresoon ni malim i do mangulahi. Muda diida ia na dung sap sude pamatang ni halahi jana bontar sude huling-kulingna, na dung ias do halahi.

HAMALIMON 13:17

anso dipareso mangulahi. Muda dung tangkas na dung bontar sibuk na so pade i, dohonon ni malim i ma na dung ias halakna i.

HAMALIMON 14:51

Hayu ares, tali na rara, hisop dohot unggas na mangolu i, angkon disornopkon tu bagasan mudar ni unggas na dung disambol i dohot tu bagasan aek na lan i. Dung i dipispiskon tu bagas i pitu noli.

HAMALIMON 16:14

Dung i angkon buaton ni si Harun ma saotik sian mudar ni lombu i, lalu dipispiskon ia dohot jari-jarinia tu sabola sian jolo ni tutup ni Poti i dung i dipispiskon ia muse pitu noli tu jolo ni Poti i.

HAMALIMON 16:19

Dohot jari-jarinia dipispiskon ia saotik sian mudar i pitu noli tu ginjang langgatan i. Songon i ma angkon baenonnia paiaskon langgatan i sian angka dosa ni bangso Israel, anso gabe badia langgatan i.

HAMALIMON 16:22

Obanon ni hambeng i ma dosa ni bangso Israel tu sada luat na gariang na so diingani jolma.

HAMALIMON 4:17

Sornopkononnia ma disi jari-jarinia tu mudar i, lalu dipispiskon ia pitu noli adop jolo ni tire na di Poti Parjanjian i.

HAMALIMON 4:6

Dung i disornopkon ia ma jari-jarinia tu mudar i lalu dipispiskon ia pitu noli adop tire na di jolo ni Poti Parjanjian i.

HAMALIMON 8:11

Dung i dibuat si Musa ma deba sian miak i, jana dipispiskon ia pitu noli tu ginjang ni langgatan i, bope tu sude parkokas na adong disi dohot tu ginjang ni huali dohot payahanna. Songon i ma dibaen ia pasahatkon sudena i tu Tuhan.

MIKA 7:19

Maribo ni roha ma Ho mangulahi tu hami jana ampuni ma hami. TaluhononMu do angka dosanami jana ambungkononMu tu tandolan ni laut!

BILANGAN 19:12

Di ari patoluhon dohot di ari papituhon angkon patupaon ni halahi mangias diri dohot aek na dung nitontuhon, disi pe anso ias ia mangihutkon ugamo. Tapi muda nada dipaias ia pamatangnia di ari patoluhon dohot di ari papituhon i, laing tongtong do ia ramun.

JOHANNES 19:34

Tapi ro ma sada tentara i, disusukkon ia ma hujur tu rusuk ni Jesus; manigor haruar ma mudar na marcampur aek sian rusukNa i.

IBRANI 10:22

Antong hara ni i, tapadonok ma tu Debata mardongan roha na bulus dohot haporsayaan na tutu tu Debata; bope dohot roha na dung dipaias sian pangkilalaan na sala, bope dohot pamatang na dung nipaias dohot aek na lan.

IBRANI 12:24

Diadopi hamu do Jesus pandomui na mambaen janji na imbaru i; diadopi hamu do mudar pamispison na gabe jaminan ni angka na dao dumenggan sian na nijamin ni mudar ni si Abel.

IBRANI 9:13

Anggo mudar ni hambeng jantan dohot mudar ni lombu jantan bope tiranggong ni haul anak ni lombu i, dipispiskon tu angka halak na hodar do i – mangihutkon Tona ni ugamo; anso ias halahi. Antong, muda tarpaias mudar i do halahi sian hahodaran na nidok ni ugamo,

IBRANI 9:19

Jolo dipaboa si Musa do sude angka Tona na sian Debata tu bangso Israel sude. Baru ma dibuat ia mudar ni anak ni lombu dohot mudar ni hambeng jantan i, dicampur ia ma i dohot aek, dung i dipispiskon ia ma tu Buku Tona na sian Debata dohot tu sude bangso Israel. Ruput hisop dohot imbulu ni biri-biri na rara tobang do dibaen ia pamispisna.

IBRANI 9:21

Dung i dipispiskon ia muse ma laing songon nangkin mudar i tu bandar i dohot tu angka panjamaan na nipake marsomba tu Debata.

IBRANI 9:26

Harana muda songon i do, gabe marpupu do Ia manaon parkancitan mamungka sian dung ditompa portibi on. Hape anggo satutuna, saonnari di hatiha na giot marujung on, hum sanoli sajo do Ia ro laho manyesa dosa markite-hite na mangalehen diriNa sandiri.

1 PETRUS 1:2

mangihutkon sangkap ni Debata Ama jana na niparbadiai ni Tondi, anso mangoloi Jesus Kristus jana manjagit pamispion ni mudarNia. Mur martamba ma asi ni roha dohot hasonangan di hamu.

1 JOHANNES 5:6

Ia do naro i markite-hite aek dohot mudar, i ma Jesus Kristus, nada hum markite aek sajo, tapi markite-hite aek dohot mudar. Jana Tondi do na mangalehen hasaksian, angke Tondi i do hasintongan.