HAMALIMON 14:54 - BIBEL JAMITA NA DENGGAN

⁵⁴ Songon i ma paraturan taringot tu nyae kusta na jorbut i,

HAMALIMON 14:54 ပူးပေါင်းရင်းမြစ်များ

HAMALIMON 11:46

Antong songon i ma angka aturan taringot tu angka binatang dohot angka unggas, taringot tu sude binatang na mangolu di bagasan aek dohot sude binatang na manggulot di tano i.

HAMALIMON 13:3

Angkon paresoon ni malim i do na mahancit na di huling-kuling i. Muda gabe bontar do imbulu na donok tu na mahancit i, jana umbagas idaon na mahancit i sian humaliangna, halak na hona nyae kulit parmaraan ma i. Jadi patorangon ni malim i ma bahaso na dung ramun halak i.

HAMALIMON 14:2

angka aturan deba nari taringot tu na paiaskon sada-sada halak na dung malum sian nyae kusta na jahat i. Di ari panontuan ni na dung ias halak i angkon obanon ia tu malim.

HAMALIMON 14:32

Songon i ma pangalahona sibaenon tu halak na hona nyae kusta na jorbut i, tapi halak na so adong lehenonna gabe haul songon na dung ditontuhon laho paiaskon diri.

HAMALIMON 15:32

Songon i ma angka paraturan tu halaklahi na mangharuarkon aekna sanga na sabur samena sian pamatangna,

HAMALIMON 6:14

Songon on ma angka aturan taringot tu haul gandum di Tuhan. Sahalak malim sian pomparan ni si Harun angkon maroban tu jolo ni langgatan.

HAMALIMON 6:25

anso dilehen tu si Harun dohot tu angka dakdanaknia angka aturan deba nari taringot tu hasesaan ni dosa. Angkon sambolon do pahan-pahanan sibaenon haul i di topi ni langgatan sabola sian Utara gabe haul situtungon. Na sun badia do haul i.

HAMALIMON 6:9

mangalehen tu si Harun dohot tu angka dakdanakna deba nari angka aturan taringot tu haul situtungon. Angkon tinggalkonon ni malim do haul i di ginjang ni langgatan saborngin i, bope api ni langgatan i angkon dipadiar marjilam.

HAMALIMON 7:1

On ma angka aturan taringot tu haul partobus ni hasalaan, haul na sun badia do i.

HAMALIMON 7:37

Songon i ma angka aturan taringot tu haul situtungon, haul gandum, haul hasesaan ni dosa, haul partobus ni hasalaan, haul mangojakkon dohot haul haluaan.

BILANGAN 19:14

Muda adong halak na mate di bagasan sada bandar, sanga ise sajo na adong di bandar i hatiha parmatena i bope sanga ise na masuk tu bagasan bandar i, gabe ramun do salolot pitu ari.

BILANGAN 5:29

Songon i ma tona taringot tu sada halaklahi na mangiburu tu dadaboruna na markarosuan. Suruon ni malim i ma dadaboru i jongjong di jolo ni langgatan di na patuluskon aturan i malim i.

BILANGAN 6:13

Muda dung salose niet ni sada halak nasir, baenonnia ma sada pangalaho na mardomu tusi, i ma angkon kehe ia tu pintu ni Bandar Parmianan Ni Tuhan,

PANGARATAION 24:8

Muda hona nyae kusta na marbahaya hamu, angkon tangkas sajo do patulusonmunu sanga aha na niparentahon ni Malim Levi tu hamu; ihutkon hamu ma angka sipaingot na dung hulehen tu halahi.