HAMALIMON 14:5 - BIBEL JAMITA NA DENGGAN

⁵ Unggas na sada angkon sambolon di ginjang ni huali tano na marisi aek na ias sian mual.

HAMALIMON 14:5 ပူးပေါင်းရင်းမြစ်များ

HAMALIMON 14:4

suruon ni malim i ma halak i maroban dua unggas na so haram, dohot samponggol hayu ares sian Libanon, sada tali na rara dohot saranting ruput hisop.

HAMALIMON 14:50

Unggas na sada sambolonna ma i di ginjang ni huali na marisi aek na tio sian mual.

HAMALIMON 14:6

Unggas na sada nari rap dohot hayu ares, tali na rara dohot ruput hisop i, angkon sornopkononkon tu bagasan mudar ni unggas na dung nisambol i.

BILANGAN 5:17

Dung i buaton ni malim i ma sada mangkuk na binaen sian tano, lalu diusehon ia saotik aek na badia tu bagasan. Dung i dibuat ia muse saotik tano sian lante ni Bandar Parmianan Ni Tuhan jana dipamasuk ia ma tu aek i anso gabe aek na tarbaen parohon bura.

2 KORINTUS 13:4

Nian anggo dompak na niparsilangkon i Ia, gale do Ia tutu, hape anggo saonnari mangolu do Ia hara ni kuaso ni Debata. Hami pe gale do di bagasan Ia, tapi angkon mangolu do hami rap dohot Ia salaho tu hamu hara ni kuaso ni Debata.

2 KORINTUS 4:7

Tapi hami paoban-oban do arta partondion na jeges i di bagasan dirinami na so mararga on, i ma na nibaen sian tano. Jadi muda songon i, torang ma anggo hagodangan ni kuaso i marguru di Debata do, nada marguru di hami.

2 KORINTUS 5:1

Angke hita boto do, muda dibungkar bandar na taingani na saonnari, i ma pamatang na sian tano on, adong do di hita sada bagas na sian Debata, na so dipature ni tangan ni jolma, na salolot ni lolotna di banua ginjang.

IBRANI 2:14

Angke anggo angka halak na nidokNia i dakdanakNia, i ma angka mudar dohot sibuk, gabe sarupa ma Jesus sandiri dohot halahi jana mangolu songon pangalaho ni jolma sarupa dohot halahi. Songon i pe pambaenNia, anso ditaluhon Ia do Sibolis i na maniop kuaso ni hamatean i.