HAMALIMON 14:48 - BIBEL JAMITA NA DENGGAN

⁴⁸ Dung dilepo dohot kapur na imbaru bagas i, hape lapukna i nada ro be, angkon paresoon ni malim do bagas i mangulahi, jana dohonon na dung ias bagas i, hara ni na dung mago lapukna i sude.

HAMALIMON 14:48 ပူးပေါင်းရင်းမြစ်များ

JOB 5:18

Angke Debata do mambaen marhancit, Ia muse do na mangubati, jana tanganNia do mamukuli, laing songon i na pasuang mangulahi.

HOSEA 6:1

“Beta ma mulak hita tu Tuhan. Ia do na mambaen marhancit hita, tapi laing Ia muse do na pamalumkon. Ia do na mambugangi hita, tapi laing Ia muse do na mambalut angka bugangta.

HAMALIMON 14:3

Obanon ni malim i ma halahi tu balian ni parbandaran i anso dipareso ia. Muda na dung tutu do malum nyae i,

HAMALIMON 14:43

Muda ro mangulahi na lapuhon i, haru pe na dung diambungkon angka batu i, jana dingding tembok madung dihois jana dilepo mangulahi,

HAMALIMON 14:47

Sanga ise na modom sanga mangan di bagas i, angkon dibasu ia pakeannia.

HAMALIMON 14:49

Anso tardok na dung ias bagas i mangihutkon ugamo, buaton ni malim ma dua unggas, hayu ares Libanon, tali na rara dohot ruput hisop.

MARKUS 5:29

Dijama ia ma baju juba ni Jesus, manigor mantak ma na marmudar i. Inda adong be dihilala ia nyae di pamatangnia i.

MARKUS 5:34

Gabe didok Jesus ma tu anak boru i, “Ale anakKu, haporsayaanmi do na paluahon ho. Kehe ma ho di bagasan hahorasan, jana malum ma dihilala ho!”

LUKAS 7:21

Jadi hatiha i topet ma Jesus pamalumkon bahat halak sian nyaena be. Dipaorot Jesus angka tondi na jahat, na mapitung pe gabe marnida dibaen Ia mangulahi.

1 KORINTUS 6:11

Songon i hian do deba sian hamu najolo. Tapi anggo saonnari madung dipaias hamu sian dosa, madung diparbadiai, jana madung dipatigor hamu di bagasan goar ni Tuhan Jesus Kristus dohot di bagasan Tondi Ni Debatanta.