HAMALIMON 14:45 - BIBEL JAMITA NA DENGGAN

⁴⁵ Jadi angkon dirumpakkon noma i. Angka batu, hayu dohot sude pangalepo ni bagas i angkon obanon tu balian ni kota, tu inganan na ramun.

HAMALIMON 14:45 ပူးပေါင်းရင်းမြစ်များ

2 RAJA-RAJA 10:27

Disurbu ma patung i rap dohot bagas pamelean i jana dibaen ma inganan hajongjonganna i gabe inganan ni kakus lopus tu sadari on.

2 RAJA-RAJA 18:4

Angka inganan pamelean ni gana-ganaan, disegohon ia; angka tugu ni debata dirumpakkon ia, jana angka patung ni debata boru-boru Asera ditaporkon ia. Laing disegohon si Hiskia muse do ulok tumbaga na nibaen ni si Musa, na margoar Nehustan. Harana lopus tu hatiha i laing ditutung halak dope hamonyan laho mamparsangapi ulok tumbaga i.

JEREMIA 52:13

Disurbu si Nebusaradan ma Bagas Ni Debata, bagas godang ni raja i dohot sude bagas ni halak na godang-godang di Jerusalem.

JEHESKIEL 5:4

Dung i buat ma saotik nari obuk i, ambungkon ma i tu bagasan api jana padiar ma mosok. Sian i ma api mangararati tu sude bangso Israel.”

HAMALIMON 14:46

Taran so i dope, sanga ise na masuk tu bagas na nikunci i, gabe ramun lalu tu andospotang.

MATEUS 22:7

Dung dibege raja i na songon i, muruk sajo ma ia. Gabe disuruhon ia ma tentarania mambunu angka sibunu jolma i dohot manyurbu kota ni halahi.

MATEUS 24:2

Dung i didok Jesus ma tu halahi, “Parrohahon hamu ma sudena i, harana sada batu pe nada tola tinggal susun di ingananna hian. Angkon hona gargar sude.”

HALUMBAAN 11:2

Tapi anggo alamanna i ulang pola suhat, angke anggo alaman ni Bagas Na Badia i madung dipasahat i tu angka jolma na so mananda Tuhan. Lonca-loncaon ni halahi ma Kota Na Badia i opat pulu dua bulan honokna.