34 deba nari angka aturan taringot tu bagas na nilangkotan ni lapuk na rarat i. (Pakeon angka aturan on dung masuk halak Israel tu tano Kanaan, tano na giot silehenon ni Tuhan tu halahi.)
Dipatidahon Tuhan ma diriNa tu si Abram jana didok ma, “Luat on ma da na giot lehenonKu di pomparanmu.” Jadi dipajongjong ia ma sada langgatan di inganan i di Tuhan na patidahon diriNa tusia.
LehenonKu ma di ho dohot di pomparanmu, i ma tano na niingananmon saonnari songon paisolat. Sude tano Kanaan gabe pomparanmu ma nampuna i ro di salolot-lolotna jana Au ma gabe Debata ni halahi.”
Ninna Tuhan ma, “Angkon oloanmunu do Au sian sude rohamunu, marhite na patupahon sanga aha na denggan di Au bope patulus sude na Huparentahon. Muda dikarejohon hamu do i, nada uhumanKu hamu marhite angka nyae songon na dung Hubaen tu halak Mesir i. Au do Tuhan na pamalum hamu.”
Madung Hujanjihon bahaso tano na mora jana na napu i gabe hamu ma nampuna i, jadi lehenonKu ma i di hamu. Au do Tuhan Debatamu jana madung Hupaasing hamu sian angka bangso na asing i.
mangalehen angka paraturan deba nari tu halak Israel. “Dung masuk hamu tu luat na giot lehenonku di hamu ganop taon papituhon nada tola karejohononmunu tano di luat i. Songon i ma hamu pasangap Tuhan.
Madung Husuru ia haruar, ninna Tuhan Na Markuaso, anso hona ma i tu bagas ni panangko dohot tu bagas ni na marsumpa pargabus marhite goarKu, jana anso marborngin i di bagas ni halahi, pangabisonna ma angka hayuna bope angka batuna.”
lalu mangarampas luat i. Dung i pe anso tola hamu mulak, angke madung dikarejohon hamu karejomunu di Tuhan i dohot di angka kahanggimu donganmu sabangso. Tuhan i pe, okuonNa do bahaso hamu nampuna tano na di Habincaran on.
Mardongan Tuhan i, tariparannami ma Batang aek Jordan laho marporang anso tarpartahankon hami siteanonnami dison, di Habincaran ni Batang aek Jordan on.”
“Angka on ma aturan na angkon sioloanmunu salolot mangolu hamu di tano na giot silehenon ni Tuhan di hamu, i ma Debata na nisomba ni ompumunu. Parate-atehon hamu ma angka aturan i!
“Dung diabisi Tuhan Debatamunu angka bangso i jana dilehen tu hamu tano i, gabe pambuatanmunu ma angka kotana i dohot angka bagas ni halahi lalu maringanan hamu disi,
Angkon suratkononmunu do di angka batu i sude uhum dohot pangajaran on. ‘Muda dung dimasuhi hamu tano na mora boti na napu na nijanjihon ni Tuhan, Debata na nisomba ni ompumunu i,
“Kehe ma ho tu partoran Abarim na di Luat Moab di bariba ni Jeriko. Manangkok ma ho tu Dolok Nebo jana tatap ma tano Kanaan na so sadia lolot nari be giot pasahatonKu tu bangso Israel.
Jagohonon ni Tuhan do hamu sian sude nyae na masa, jana dipadao sian sude nyae na masa godang na niidamunu di Mesir, tapi dihonahon ma angka bala i tu angka musumunu.