HAMALIMON 14:3 - BIBEL JAMITA NA DENGGAN

³ Obanon ni malim i ma halahi tu balian ni parbandaran i anso dipareso ia. Muda na dung tutu do malum nyae i,

HAMALIMON 14:3 ပူးပေါင်းရင်းမြစ်များ

2 RAJA-RAJA 5:14

Jadi kehe ma si Naaman tu Batang aek Jordan, masuk ma ia markonong tu bagasan aek i pitu noli songon na nidok ni si Elisa i. Gabe malum ma si Naaman; torkis ma pamatangnia i mulak songon dia ma pamatang ni doli-doli.

2 RAJA-RAJA 5:3

Sanoli mangkatai ma pangurupi i tu morana i, “Sugari kehe tuan i manopot panurirang na di Samaria i, pasti tarpamalumsa tuan i.”

JOB 5:18

Angke Debata do mambaen marhancit, Ia muse do na mangubati, jana tanganNia do mamukuli, laing songon i na pasuang mangulahi.

HARURUAR 15:26

Ninna Tuhan ma, “Angkon oloanmunu do Au sian sude rohamunu, marhite na patupahon sanga aha na denggan di Au bope patulus sude na Huparentahon. Muda dikarejohon hamu do i, nada uhumanKu hamu marhite angka nyae songon na dung Hubaen tu halak Mesir i. Au do Tuhan na pamalum hamu.”

HAMALIMON 13:2

Muda adong na mahancit di huling-kuling ni sada halak umpamana: marbosar, marbutir-butir sanga pano, na gabe nyae ni huling-kuling na maroban tu parmaraan, angkon obanon do halak na songon i tu malim pomparan ni si Harun.

HAMALIMON 13:46

Salolot diae ia nyae i, ramun do ibana. Angkon di balian ni parbandaran do ingananna, dao sian halak na asing.

HAMALIMON 14:48

Dung dilepo dohot kapur na imbaru bagas i, hape lapukna i nada ro be, angkon paresoon ni malim do bagas i mangulahi, jana dohonon na dung ias bagas i, hara ni na dung mago lapukna i sude.

MATEUS 10:8

Pamalum hamu ma angka na marnyae. Pangolu hamu ma angka na mate. Paias hamu ma angka na puruon. Paorot hamu ma angka na hona setan. Sude kuaso i inda na nigararan umbaen na nijagitmunu i. Jadi laing songon i ma, lehen hamu ma i, ulang pola pangido hamu gararna.

MATEUS 11:5

Marnida na mapitung, mardalan na onyangon, malum na huliton, marbinege na maingol, mulak mangolu na mate, dung i dipaboa do Jamita Na Denggan sian Debata tu halak na pogos.

LUKAS 4:27

Songon i muse do di hatiha ni Panurirang Elisa, bahat do halak na hona panyakit kusta di Israel, hape umpe sahalak sian halahi na dipamalum; hum si Naaman halak Siria i sajo do.”

LUKAS 7:22

Jadi dialusi Jesus ma suruan ni si Johannes i, ning Ia ma, “Kehe ma hamu, paboa hamu ma tu si Johannes sanga aha na niida dohot na nibegemunu: Marnida do angka na mapitung, mardalan na pangpangon, malum na huliton, marbinege na maingol, na dung mate mulak dipangolu jana Jamita Na Denggan dibaritahon tu angka na pogos.