HAMALIMON 14:21 - BIBEL JAMITA NA DENGGAN

²¹ Muda pogos do halahi, gabe nada tarhaulkon ia tolu pahan-pahanan songon na nitontuhon hian, jadi songon haul gonti ni hararugi tuk ma sada lombu jantan sajo obanonnia. I ma na gabe silehen-lehen na mardohonan tu Tuhan na gabe bagian ni malim. Anggo haul gandum tuk ma sakilogram topung gandum na dung marcampur miak obanonnia dohot miak zetun sapartolu liter.

HAMALIMON 14:21 ပူးပေါင်းရင်းမြစ်များ

JOB 34:19

Nada Ia teleng tu angka raja, sanga patujolohon na mora sian angka na susa. Harana rap na nitompaNia do halahi sudena.

PODA 17:5

Sanga ise na manyosak halak na pogos, pabilehon Debata na manompasa. Sanga ise na marmoga-moga hara ni halak na malang bagian, pasti dapot uhuman.

PODA 22:2

Adong do sada pangalaho na dos di na kayo dohot na pogos: Rap na ditompa ni Tuhan do i sudena.

JEHESKIEL 46:7

Rap dohot lombu i sada dohot hambeng jantan i, angkon haulkononnia gandum bahatna 17,5 liter, jana rap dohot ganop anak ni biri-biri i angkon haulkononnia sanga sadia bahat giotnia. Ganop haul gandum i angkon dohot do donganna tolu liter miak zetun.

HAMALIMON 1:14

Muda unggas do na nisombahon i gabe haul situtungon, angkon unggas hatutu do sanga darapati.

HAMALIMON 12:8

Muda so tarpatupa ina i mangalehen anak ni biri-biri angkon obanonnia ma dua darapati sanga dua hatutu. Sada ma i gabe haul situtungon, na asing i gabe haul hasesaan ni dosa. Baenon ni malim i ma sada hatiha laho manyesa hahodaran ni ina i, anso gabe ias.

HAMALIMON 14:10

Di ari pasalapankon angkon obanon ni halahi ma dua anak ni biri-biri jantan, sada anak ni biri-biri boru-boru marumur sataon na so martihas, tolu kilogram topung na dung marcampur dohot miak zetun dohot sapartolu liter miak zetun.

HAMALIMON 14:22

Angkon obanonnia muse do dua darapati sanga hatutu, sada ma i gabe haul hasesaan ni dosa na sada nari gabe haul situtungon.

HAMALIMON 27:8

Muda pogos situtu do halak na marniet i angkon dioban do ia tu jolo ni malim. Malim i sandiri do manontuhon arga na tumoruk, na targarar halak na marniet i.

HAMALIMON 5:11

Tapi muda suada tarlehen halak na marsala i sarongkap unggas hatutu sanga darapati gabe hasesaan ni dosana, angkon obanonnia ma topung dua liter. Nada tola nibaen tu topung i miak zetun sanga hamonyan, dibaen haul hasesaan ni dosa do i, nada haul gandum.

HAMALIMON 5:7

Tapi muda suada tarlehen ia biri-biri sanga hambeng baen tobus ni dosana, angkon obanonnia do sarongkap unggas hatutu sanga darapati, sada ma i gabe haul hasesaan ni dosa, na sada nari gabe haul situtungon.

LUKAS 6:20

Ditailihon Ia ma angka anak siseanNia i didok Ia ma, “Martua ma hamu angka halak na dangol, harana hamu do nampuna Harajaan Ni Debata!

2 KORINTUS 8:12

Muda ringgas do rohamunu marsilehen-lehen, jagiton ni Debata do silehen-lehenmunu i marguru tu sinadonganmunu, nada marguru tu na soadamunu.

2 KORINTUS 8:9

Angke tangkas do diboto hamu, holong situtu do roha ni Jesus Kristus Tuhanta i maradopkon hita. Na mora do Ia nian, tapi gabe marpogos do Ia hara ni hamu, anso mamora hamu hara ni hapogosonNia i.

1 SAMUEL 2:8

Sian abuan diangkat Ia halak na so mararta sian pardangolan halak na bile dipalua Ia. Dibaen Ia halahi dongan ni angka na mora-mora, jana dilehen muse juguhan na sangap. Debata do nampuna ojahan ni portibi on dipajongjong Ia di ginjangna tano on.