HAMALIMON 14:12 - BIBEL JAMITA NA DENGGAN

¹² Sada sian anak ni biri-biri jantan i dohot sapartolu liter miak zetun i buaton ni malim ma i pasahaton gabe haul gonti ni hararugi. Haul i ma songon silehen-lehen na mardohonan tu Tuhan, gabe malim i ma nampuna i.

HAMALIMON 14:12 ပူးပေါင်းရင်းမြစ်များ

HARURUAR 29:22

Buat ma tabo-tabo ni biri-biri jantan i, ihurna na martabo-tabo i, tabo-tabo na sian butuhana i, bagian na dumenggan sian ate-atena i, piana na dua dohot tabo-tabo na lohot disi dohot hae-hae siamunna i.

HARURUAR 29:24

Pasahat ma sude panganon i tu tangan ni si Harun dohot angka anakna i jana suruhon ma halahi manghaulkon roti i tu Au gabe haul na mardohoan tu Au.

HARURUAR 29:26

Buat ma andora ni biri-biri jantan i jana haulkon ma i tu Au gabe haul na mardohoan. Bagianmu ma andora ni biri-biri i.

JESAYA 53:10

Tapi hagiot ni Tuhan do manaon na hancit ia, jana mate songon haul panyesa ni dosa. Idaonnia do pomparannia jana ginjang umurnia tulus ma hagiot ni Tuhan markite-hite ia.

HAMALIMON 14:10

Di ari pasalapankon angkon obanon ni halahi ma dua anak ni biri-biri jantan, sada anak ni biri-biri boru-boru marumur sataon na so martihas, tolu kilogram topung na dung marcampur dohot miak zetun dohot sapartolu liter miak zetun.

HAMALIMON 14:11

Dung i obanon ni malim i ma ia dohot sipasahatonnia i tu pintu ni Bandar Parmianan Ni Tuhan.

HAMALIMON 14:19

Dung i angkon haulkonon ni malim i do haul baen hasesaan ni dosa anso gabe ias halak na ramun i. Dung salpu i haulkononnia ma pahan-pahanan baen haul situtungon.

HAMALIMON 5:15

Muda adong sada halak na mardosa so hara ni na niuntilna, hara ni na lalap ia pasahat silehen-lehen na patut tu Tuhan, angkon obanon ni halahi ma haul tobus ni hasalaan. Ia haul i, i ma sada biri-biri sanga hambeng jantan na so martihas. Diasam ma argana mangihutkon arga markite ukuran na marlaku di inganan na badia i.