HAMALIMON 14:10 - BIBEL JAMITA NA DENGGAN

¹⁰ Di ari pasalapankon angkon obanon ni halahi ma dua anak ni biri-biri jantan, sada anak ni biri-biri boru-boru marumur sataon na so martihas, tolu kilogram topung na dung marcampur dohot miak zetun dohot sapartolu liter miak zetun.

HAMALIMON 14:10 ပူးပေါင်းရင်းမြစ်များ

HARURUAR 29:40

Rap dohot biri-biri na parjolo i angkon nihaulkon ma sakilo topung tarigu na dumenggan nicampur dohot miak zetun na polin saliter. Laing haulkon muse ma saliter anggur.

HAMALIMON 1:10

Muda biri-biri sanga hambeng do na giot sombahonon i angkon jantan na so martihas.

HAMALIMON 1:3

Muda giot sombahononnia sada lombu, angkon lombu jantan na so martihas. Dipasahat ma lombu i di pintu Bandar Parmianan Ni Tuhan, anso tumbuk roha ni Tuhan i tu halakna i.

HAMALIMON 14:11

Dung i obanon ni malim i ma ia dohot sipasahatonnia i tu pintu ni Bandar Parmianan Ni Tuhan.

HAMALIMON 14:12

Sada sian anak ni biri-biri jantan i dohot sapartolu liter miak zetun i buaton ni malim ma i pasahaton gabe haul gonti ni hararugi. Haul i ma songon silehen-lehen na mardohonan tu Tuhan, gabe malim i ma nampuna i.

HAMALIMON 14:15

Dung i buaton ni malim i ma saotik sian miak zetun i laho mangusehon tu palakpak ni tangan siambirangna sandiri.

HAMALIMON 14:21

Muda pogos do halahi, gabe nada tarhaulkon ia tolu pahan-pahanan songon na nitontuhon hian, jadi songon haul gonti ni hararugi tuk ma sada lombu jantan sajo obanonnia. I ma na gabe silehen-lehen na mardohonan tu Tuhan na gabe bagian ni malim. Anggo haul gandum tuk ma sakilogram topung gandum na dung marcampur miak obanonnia dohot miak zetun sapartolu liter.

HAMALIMON 2:1

Muda adong sada halak na giot manghaulkon gandum tu Tuhan i, angkon jolo nigiling do gandum i lamot gabe topung. Dung i diusehon ma tu topung i miak zetun jana di ginjangna nipayakkon hamonyan,

HAMALIMON 2:11

Nada tola mamake ragi sanga aer ni loba tu angka panganon sisombahonon tu Tuhan.

HAMALIMON 2:13

Sude haul gandum angkon siraanmunu, angke sira i do na gabe tanda parjanjianmunu dohot Debata. (Sude silehen-lehenmunu angkon baenonmunu sira.)

HAMALIMON 23:13

Rap dohot i angkon lehenonmunu dope haul sipanganon dua kilo gram topung dicampur dohot miak zetun. Uap ni haul i ma na pajop roha ni Tuhan. Lehen hamu muse ma rap dohot i anggur saliter bahatna.

HAMALIMON 4:32

Muda giot haulkonon ni sada halak sada biri-biri anso disesa dosana, angkon biri-biri boru-boru na so martihas do haulkononna.

HAMALIMON 9:1

Dung salpu karejo na mangangkat i, ancogotna i dipio si Musa ma si Harun dohot angka anakna i bope angka hatobangon ni bangso Israel.

BILANGAN 28:20

Angkon haulkononmunu haul gandum, i ma: topung na marcampur dohot miak zetun: tolu kilogram topung tu ganop sada lombu jantan, dua kilogram tu ganop biri-biri jantan,

BILANGAN 6:14

lehenonnia ma tu Tuhan tolu pahan-pahanan na so martihas, sada anak ni biri-biri jantan umur sataon gabe haul situtungon, sada anak ni biri-biri boru-boru marumur sataon, gabe haul hasesaan ni dosa dohot sada biri-biri jantan gabe haul haluaan.

MATEUS 8:4

Dung i didok Jesus ma tusia, “Ingot ma! Ulang caritohon na masa on sanga na tu ise pe. Tapi kehe ma ho manopot malim, patidahon ma dirimu. Jadi lehen ma haulmu hombar tu na nidok ni si Musa, anso diboto halak na dung malum ho!”

MARKUS 1:44

“Bagi na bia pe nada tola paboaonmu pangalaho on sanga na tu ise pe. Torus tu malim ma ho kehe, pangido ma anso dipareso ia ho. Jadi dung dipareso ia ho, lehen ma haulmu tu Debata mangihutkon sapanjang aturan na nipasahat ni si Musa. I ma tandana na dung malum ho.”

LUKAS 5:14

Dung i dilarang Jesus ma bayo i anso ulang dicaritohon ia taringot tusi sanga na tu ise pe. Torus tu malim do disuru Jesus bayo i. “Pangido ma anso dipareso malim ho, dung i kehe ma ho pasahatkon haul hombar tu na nitontuhon ni si Musa laho patandahon tu halak na bahat, bahaso na dung malum ho.”

JOHANNES 1:29

Ancogotna i diida si Johannes ma ro Jesus mandapotkon ia. Didok si Johannes ma, “Ligi ma! Indi ma ibana Anak Ni Biri-biri Ni Debata na manyesa dosa ni portibi on!

JOHANNES 6:33

Angke anggo sipanganon na nilehen ni Debata, i ma na mijur sian banua ginjang jana na mangalehen ngolu na so mantak tu portibi on.”

JOHANNES 6:51

Au do roti na mijur sian banua ginjang i, i ma sipanganon na mangalehen hangoluan. Halak na mangankon sipanganon on, mangolu ma salolot-lolotna. Anggo sipanganon na giot lehenonKi, i ma pamatangKu. LehenonKu ma pamatangKon anso mangolu portibi on.”

1 PETRUS 1:19

tapi na lobi arga do dibaen; i ma diri ni Kristus sandiri, na gabe songon biri-biri na nihaulkon tu Debata na so martihas sanga marhahurangan.