HAMALIMON 13:6 - BIBEL JAMITA NA DENGGAN

⁶ Di ari papituhon paresoon ni malim i ma mangulahi, muda mur mago na hancit i nada mur tamba, pabotohonon ni malim i ma paboa na dung ias halahi. Nyae ni huling-kuling na so pola parmaraan do i. Basuon ni halakna i ma pakeanna jana gabe ias ma ia.

HAMALIMON 13:6 ပူးပေါင်းရင်းမြစ်များ

1 RAJA-RAJA 8:38

sai tangihon ma tangiang ni halahi. Muda adong sian tonga-tonga ni bangsoMu Israel na marsak roha lalu martangiang tu Ho jana pahortang tanganna adop bagas parsombaan on,

1 RAJA-RAJA 8:45

sai tangihon ma tangiang ni halahi di banua ginjang jana lehen ma hamonangan di halahi.”

MASMUR 19:12

O, Tuhan nada adong na umboto hasalaanna sandiri, antong palua ma au sian hasalaan na buni.

PODA 20:9

Adong ma he halak na bolas mandok hatana, “Ias do rohangku, madung malua au sian dosa!”

PARJAMITA 7:20

Di tano on nada adong halak na sanggam, na sai tongtong mambaen na denggan na so jungada mardosa.

JESAYA 42:3

Arong na malapat i nada gotapkononna, api na midop-idop i nada intopkononna. Mardongan haburjuonna do patuduhonna tona i.

HAMALIMON 11:40

Muda dipangan halak bangke ni binatang na songon i sanga na ahana pe dipangan ia, angkon dibasu ia pakeannia, jana hodar do ia lopus tu andospotang.

HAMALIMON 13:2

Muda adong na mahancit di huling-kuling ni sada halak umpamana: marbosar, marbutir-butir sanga pano, na gabe nyae ni huling-kuling na maroban tu parmaraan, angkon obanon do halak na songon i tu malim pomparan ni si Harun.

HAMALIMON 13:5

Di ari papituhon angkon paresoon ni malim i mangulahi. Muda laing dos do rupa ni nyae i mangihutkon pandapot ni malim i nada mangalangkoti, angkon paasingon ma halahi pitu ari nari.

HAMALIMON 13:7

Tapi muda mur manamba nyae i haru pe na dung didok malim na ias halakna i, angkon kehe mangulahi halahi paboahon tu malim.

HAMALIMON 14:8

Dung i angkon basuon ni halahi ma pakeanna, obukna pe angkon dicukur sude lalu maridi. Dung i ias ma ia, tola ma ia masuk tu parbandaran i, tapi pitu ari honokna nada tola ia masuk tu bandarnia sandiri.

SURAT NI SI PAULUS TU PARLAGUTAN ROM 14:1

Jagit hamu ma halak na gale dope haporsayaanna, ulang ma uhumi hamu pandapot ni halahi.

2 KORINTUS 7:1

Antong hamu ale dongan na nihaholongan! Tu hita do dibaen angka janji i sudena. Tapaias ma dirinta sian sasude na pahodarkon pamatang dohot rohanta. Tahabiari ma Debata, anso sanggam tarbaen hita mangolu mamunjung tu Debata.

PANGARATAION 32:5

Tapi anggo hamu, i ma sada bangso na sai marroha mago, na so patut gabe bangsoNa, na gok akal busuk dohot dosa.

IBRANI 10:22

Antong hara ni i, tapadonok ma tu Debata mardongan roha na bulus dohot haporsayaan na tutu tu Debata; bope dohot roha na dung dipaias sian pangkilalaan na sala, bope dohot pamatang na dung nipaias dohot aek na lan.

IBRANI 9:10

Harana anggo angka upacara na songon i na marpardomuan tu sipanganon sajo do i dohot siinumon bope angka ragam-ragam ni upacara na mambaen ias. Hum angka Tona na tarida do na mardalan i lopus tu hatihana sanga andigan baenon ni Debata haimbaruan.

JAKOBUS 3:2

Jotjot do hita sudena mambaen hasalaan. Sanga ise na so jungada mambaen hasalaan di angka hatana, halak na sanggam do i, na margogo mangarajai dirina.