HAMALIMON 13:4 - BIBEL JAMITA NA DENGGAN

⁴ Tapi muda bontar idaon na mahancit i, nada pola umbagas idaon sian huling-kuling humaliangna, bope imbulu i pe nada pola bontar, angkon paasingon ni malim ma halak i pitu ari honokna.

HAMALIMON 13:4 ပူးပေါင်းရင်းမြစ်များ

JEHESKIEL 44:10

Didok Tuhan ma tu au, “UhumanKu ma angka halak Levi na rap dohot angka halak Israel na asing i na manadingkon Au dohot na marsomba gana-ganaan.

HAMALIMON 13:11

i ma halak na dung hona nyae huliton. Patorangon ni malim ma bahaso na ramun halahi. Nada pola angkon paasingon inganan ni halahi angke madung tangkas na ramun do ia.

HAMALIMON 13:25

angkon paresoon ni malim do i. Muda bontar imbulu di bagian na mahancit i jana umbagas na mahancit i sian sibuk na humaliang, i ma nyae huliton na maroban tu parmaraan na dung langkot tu na mosok i, dung i dohonon ni malim ma na dung ramun halahi.

HAMALIMON 13:26

Tapi anggo nada bontar imbulu na disi bope nada pola umbagas na mahancit i sian sibuk humaliangna i, tapi tompana mur torang, dung i paasingon ni malim ma inganan ni halahi pitu ari honokna.

HAMALIMON 13:3

Angkon paresoon ni malim i do na mahancit na di huling-kuling i. Muda gabe bontar do imbulu na donok tu na mahancit i, jana umbagas idaon na mahancit i sian humaliangna, halak na hona nyae kulit parmaraan ma i. Jadi patorangon ni malim i ma bahaso na dung ramun halak i.

HAMALIMON 13:31

Di hatiha na paresohon na hancit i malim i, nada pola umbagas sian sibuk humaliangna, tapi nada adong obuk na jeges disi, angkon paasingon do halahi pitu ari honokna.

HAMALIMON 13:5

Di ari papituhon angkon paresoon ni malim i mangulahi. Muda laing dos do rupa ni nyae i mangihutkon pandapot ni malim i nada mangalangkoti, angkon paasingon ma halahi pitu ari nari.

HAMALIMON 13:50

Paresoon ni malim ma barang i lalu dipaasing ia pitu ari honokna.

HAMALIMON 14:38

angkon tinggalkonon ni malim i do bagas i dikunci pitu ari honokna.

BILANGAN 12:14

Dialusi Tuhan i ma, “Sugari ma ditijuri amangnia bohinia, manaon layas ma ia di bagasan pitu ari. Antong padao ma ia sian parbandaran i pitu ari honokna, dung i pe anso tola ia masuk mangulahi.”

BILANGAN 12:15

Dung i diparuar halahi ma si Miryam sian parbandaran i pitu ari honokna, salolot so dioban halahi mulak ibana, nada morot bangso i sian i.

1 KORINTUS 4:5

Antong, anggo so dapot dope hatihana, ulang ma matibutu tontuhon hamu marsala sada-sada halak sanga nada. Painte hamu ma lopus tu haroro ni Tuhan i. BukaonNia do sude angka rahasia na buni di na golap. RungkaranNia ma sudena rahasia na buni na di bagasan roha ni jolma. Di hatiha i pe anso jagiton ni halak ganop pujian na patut jagitonna sian Debata.

PANGARATAION 13:14

Muda adong habegean hata-hata na songon i, angkon sihir do tangkasanmunu. Muda tutu do tarjadi hajahatan na songon i antong,

1 TIMOTEUS 5:24

Dosa ni deba halak, inda diadili dope madung tangkas tarboto. Tapi dosa ni na deba, dung niadilan pe anso tarboto.