HAMALIMON 13:2 - BIBEL JAMITA NA DENGGAN

² Muda adong na mahancit di huling-kuling ni sada halak umpamana: marbosar, marbutir-butir sanga pano, na gabe nyae ni huling-kuling na maroban tu parmaraan, angkon obanon do halak na songon i tu malim pomparan ni si Harun.

HAMALIMON 13:2 ပူးပေါင်းရင်းမြစ်များ

2 SAMUEL 3:29

Sai hona uhum ma nian si Joab dohot isi ni bagasnia hara ni pambaenanna i. Sai tongtong nian adong di bagas ni si Joab marsundut-sundut na marnyae na hodar sanga na marnyae hulit na jorbut, sanga halaklahi na marpangalaho dadaboru, sanga na mate di porang sanga na hurang sipanganon!”

2 RAJA-RAJA 5:1

Si Naaman, i ma panglima ni tentara Siria. Holong do roha ni raja ni Siria i mida ia jana diargahon do ia. Harana markite-hite si Naaman, madung dilehen Tuhan hamonangan di tentara Siria. Hape marnyae hulit na jorbut ma si Naaman panglima ni tentara i.

2 RAJA-RAJA 5:27

Hara ni na nijagitmu silehen-lehen i, laing jagitonmu muse ma dohot nyae ni si Naaman i. Sanga na andigan salolot-lolotna laing hona nyae na songon i ma pomparanmu!” Di na ruar si Gehasi sian i, hona ma tusia nyae i – mamontar ma kulitna i.

JESAYA 1:6

Sian ambubumu lalu tu palampak ni patmu umpe adong be pamatangmu na so hona nyae. Marlombaman sude pamatangmunu, marbosari jana mangkabugang. Nada dipaias sanga dibalut dope angka bugangmunu i. Nada muse diubati dohot miak.

JESAYA 3:17

Hape uhumanKu noma halahi; sap ma uluna i rasa-rasaon lopus gabe palpalon.”

HAMALIMON 13:1

Dilehen Tuhan ma angka aturan tu si Musa dohot si Harun songon on.

HAMALIMON 13:3

Angkon paresoon ni malim i do na mahancit na di huling-kuling i. Muda gabe bontar do imbulu na donok tu na mahancit i, jana umbagas idaon na mahancit i sian humaliangna, halak na hona nyae kulit parmaraan ma i. Jadi patorangon ni malim i ma bahaso na dung ramun halak i.

HAMALIMON 13:8

Paresoon ni malim i ma mangulahi, muda tutu na dung mur tu raratna nyae i, dipabotohon ma na dung ramun halakna i; na dung huliton na gabe parmaraan do i.

HAMALIMON 14:3

Obanon ni malim i ma halahi tu balian ni parbandaran i anso dipareso ia. Muda na dung tutu do malum nyae i,

HAMALIMON 14:35

Sanga ise na marnida na lapuhon di bagasan bagasna, angkon kehe do ia tu malim paboahon i.

MALEAKI 2:7

Harana pamangan ni angka malim manjagohon parbinotoan jana dijalahi halak do pangajaran sian pamanganna, harana i do suruan ni Tuhan Na Markuaso.

BILANGAN 12:10

ditinggalkon ombun i ma Bandar Parmianan Ni Tuhan, gabe tompu ma hona nyae kusta na jorbut si Miryam. Bontar huling-kulingnia songon hapas. Hatiha manaili si Harun tu si Miryam diida ia ma na dung hona kusta si Miryam.

BILANGAN 12:12

Ulang padiar ia gabe songon dakdanak na sorang dung jolo mate, na marjuhut na manggum.”

MATEUS 8:4

Dung i didok Jesus ma tusia, “Ingot ma! Ulang caritohon na masa on sanga na tu ise pe. Tapi kehe ma ho manopot malim, patidahon ma dirimu. Jadi lehen ma haulmu hombar tu na nidok ni si Musa, anso diboto halak na dung malum ho!”

MARKUS 1:44

“Bagi na bia pe nada tola paboaonmu pangalaho on sanga na tu ise pe. Torus tu malim ma ho kehe, pangido ma anso dipareso ia ho. Jadi dung dipareso ia ho, lehen ma haulmu tu Debata mangihutkon sapanjang aturan na nipasahat ni si Musa. I ma tandana na dung malum ho.”

LUKAS 17:14

Dung diida Jesus halahi, didok Ia ma, “Kehe ma hamu patidahon dirimunu tu angka malim.” Dompak na mardalan i halahi malum ma nyaena i.

LUKAS 5:14

Dung i dilarang Jesus ma bayo i anso ulang dicaritohon ia taringot tusi sanga na tu ise pe. Torus tu malim do disuru Jesus bayo i. “Pangido ma anso dipareso malim ho, dung i kehe ma ho pasahatkon haul hombar tu na nitontuhon ni si Musa laho patandahon tu halak na bahat, bahaso na dung malum ho.”

PANGARATAION 24:8

Muda hona nyae kusta na marbahaya hamu, angkon tangkas sajo do patulusonmunu sanga aha na niparentahon ni Malim Levi tu hamu; ihutkon hamu ma angka sipaingot na dung hulehen tu halahi.

PANGARATAION 28:27

Hona uhum na ho baenon ni Tuhan marhite baro, songon na nibaenNa tu halak Mesir. Sap ma pamatangmunu dohot baro bope rasa na gatal tapi nada adong ubatna.