HAMALIMON 13:13 - BIBEL JAMITA NA DENGGAN

¹³ angkon paresoon ni malim i do mangulahi. Muda diida ia na dung sap sude pamatang ni halahi jana bontar sude huling-kulingna, na dung ias do halahi.

HAMALIMON 13:13 ပူးပေါင်းရင်းမြစ်များ

JESAYA 64:6

Halak na hodar do hami sude, salang hadengganannami pe hodar boti dursun muse, songon bulung-bulung na malos diombuskon alogo, hara ni hajahatannami sandiri, hami pe mago.

HAMALIMON 13:12

Muda mur manamba do tihas na bontar i, pola ditutup ia sian pat lalu tu ambubunia,

HAMALIMON 13:14

Tapi muda tubu dope sibuk na so pade sian i, angkon paresoon ni malim mangulahi, muda tutu do i sibuk na so pade dohonon ma na ramun halahi, angke sibuk na so pade, i do tandana bahaso nyae i nyae na gabe parmaraan.

BILANGAN 12:10

ditinggalkon ombun i ma Bandar Parmianan Ni Tuhan, gabe tompu ma hona nyae kusta na jorbut si Miryam. Bontar huling-kulingnia songon hapas. Hatiha manaili si Harun tu si Miryam diida ia ma na dung hona kusta si Miryam.

JOHANNES 9:41

Dialusi Jesus ma, “Anggo sugari mapitung hamu, so na mardosa hamu. Tapi hara ni na nidokmunu i, ‘Marnida do hami,’ i ma patandahon laing na mardosa hamu.”

PANGARATAION 24:8

Muda hona nyae kusta na marbahaya hamu, angkon tangkas sajo do patulusonmunu sanga aha na niparentahon ni Malim Levi tu hamu; ihutkon hamu ma angka sipaingot na dung hulehen tu halahi.