HAMALIMON 11:7 - BIBEL JAMITA NA DENGGAN

⁷ Babi nada tola panganon. Na haram do i etongon, angke haru pe marbola tambirikna, anggo babi nada mangalngei.

HAMALIMON 11:7 ပူးပေါင်းရင်းမြစ်များ

JESAYA 65:4

Borngin-borngin kehe halahi tu angka liang dohot kuburan laho mangido sipaingot ni angka sumangot. Mangan juhut babi halahi jana diinumi halahi kua ni juhut sian sipanganon na dipelehon tu angka debata.

JESAYA 66:17

Didok Tuhan, “Madung donok hatiha panguhumna di halak na paiaskon dirina dohot na mudur-udur tu kobun ni angka debata laho marsomba. Madung singkop uhumanKu di angka halak na giot mangan juhut babi, monci dohot sipanganon na asing i na mambaen magigi.

JESAYA 66:3

Hape anggo bangso i, roha-rohana do dipambaeni. Anggo di halahi, manghaulkon lombu sarupa do dohot na manghaulkon jolma. Manghaulkon anak ni biri-biri dos dohot na manipulkon rungkung ni anjing. Manghaulkon haul gandum sarupa do i dohot na manghaulkon mudar ni babi. Manutung hamonyan dos do i dohot na marsomba patung. Hara ni i: Sarupo songon halahi na mandalankon dalanna sandiri, jana rohana pe manghagioti gana-ganaan.

HAMALIMON 11:8

Angka binatang na songon i nada tola panganon sanga dais tu bangkena, angke na haram do binatang i.

MATEUS 7:6

Ulang lehen hamu barang na badia tu anjing. Harana muda dilehen hamu i, marbalik ma anjing i laho manyarbut hamu. Dung i ulang lehen hamu berlian tu babi, angke dilonca-lonca babi i sajo do i.”

LUKAS 15:15

Jadi kehe ma ia markarejo tu sada halak na di kota i, jana disuru ma ia manjago babi di ladang.

LUKAS 8:33

Dung i ruar ma angka tondi na jahat i sian bayo i, masuk ma halahi tu angka babi i. Maturubus ma angka babi i sian rahis-rahis i tu dano an, gabe mate marmogapan sudena.

PANGARATAION 14:8

Ulang pangan hamu babi. Angkon etongon do binatang i haram, angke haru marbola pe sisilonna hape nada manjampal. Nada tola panganon binatang i, salang bangkena pe nada tola jamaon.