HAMALIMON 11:39 - BIBEL JAMITA NA DENGGAN

³⁹ Muda dais halak tu bangke ni binatang na halal, gabe ramun ma ia lopus tu andospotang.

HAMALIMON 11:39 ပူးပေါင်းရင်းမြစ်များ

JEHESKIEL 4:14

Tapi hualusi ma, “Iale Tuhan Debata! Sian na menek lopus saonnari, na so unjung dope hupahodar diringku marhite na mangankon bangke ni binatang sanga teba-teba ni soroan ni binatang panyoro. Na so jungada do hupangan sipanganon na margoar na haram.”

HAMALIMON 11:24

Gabe hodar do sada halak lopus tu andospotang muda dais ia tu angka binatang on: binatang na martambirik (asing ni na marbola tambirikna jana mangalngei) dohot binatang si opat pat na adong sisilonna panjomak. Sanga ise na maroban bangke ni binatang na songon i, angkon basuonna do pakeanna, tapi laing etongon dope ia na hodar lopus tu kotu magorip.

HAMALIMON 11:31

Barang ise na dais tu binatang i sanga tu bangkena pe, gabe hodar do i lopus tu andospotangna.

HAMALIMON 11:38

Tapi muda hatiha dirondam same i di pangarondaman hape madabu bangke i tusi, gabe hodar ma same i.

HAMALIMON 11:40

Muda dipangan halak bangke ni binatang na songon i sanga na ahana pe dipangan ia, angkon dibasu ia pakeannia, jana hodar do ia lopus tu andospotang.

HAMALIMON 14:46

Taran so i dope, sanga ise na masuk tu bagas na nikunci i, gabe ramun lalu tu andospotang.

HAMALIMON 15:15

Pasahaton ni malim i ma sada sian unggas i gabe haul hasesaan ni dosa, na asing i gabe haul situtungon. Songon i ma pangalahona patuluskon paiaskon diri mangihutkon ugamo di halak na songon i.

HAMALIMON 15:5

Sanga ise na dais tu halak na mangharuarkon same i sanga dais tu podomanna sanga juguk di inganan na dung nijuguhan sanga na nitijuran ni halahi, angkon basuonnia pakeanna lalu maridi, ramun ma ia lopus tu andospotang.

HAMALIMON 16:26

Halak na mangayak hambeng i tu si Asasel di halongonan angkon basuonnia pakeannia jana maridi taran so mulak ia tu parbandaran i.

HAMALIMON 17:15

Ganop halak Israel sanga halak na leban na mangankon juhut ni pahan-pahanan na mate haram, sanga na nisoro ni binatang panyoro, angkon dibasu ia pakeannia lalu maridi jana painte andospotang pe anso ias ia mangihutkon ugamo.

HAMALIMON 22:4

Sada sian pomparan ni si Harun na hona kusta sanga na mangharuarkon aek, nada tola mangankon sian silehen-lehen na badia i, salolot so dipaboa na dung ias ia mangihutkon ugamo. Gabe ramun do sada malim muda dais ia tu sada na ramun hara ni na hona tu bangke. Gabe ramun muse do ia muda haruar same ni pamatangnia

HAMALIMON 22:6

Sahalak malim na gabe ramun, laing ramun do ia lopus tu andospotang. Jana haru dung salpu pe andospotang, nada tola dope panganonnia haul na badia i anggo so maridi dope ia.

HAMALIMON 22:8

Nada tola panganonnia juhut ni binatang na mate haram sanga na nisoro ni binatang panyoro. Muda dipangan ia i gabe ramun do ia. Au do Tuhan.

BILANGAN 19:11

Sanga ise na manjama bangke, ramun do ia pitu ari honokna.

BILANGAN 19:16

Muda adong manjama bangke ni jolma na dibunu sanga na mate di ladang songon parmate na somal, sanga muda adong manjama kuburan sanga holi-holi ni na mate gabe ramun do pitu ari honokna.

BILANGAN 19:7

Dung i basuonnia ma pakeannia, jana disiram ia pamatangnia dohot aek, disi pe anso tola masuk ia tu parbandaran, lopus tu andospotang etongon do ia halak na ramun.