HAMALIMON 11:24 - BIBEL JAMITA NA DENGGAN

^24-28 Gabe hodar do sada halak lopus tu andospotang muda dais ia tu angka binatang on: binatang na martambirik (asing ni na marbola tambirikna jana mangalngei) dohot binatang si opat pat na adong sisilonna panjomak. Sanga ise na maroban bangke ni binatang na songon i, angkon basuonna do pakeanna, tapi laing etongon dope ia na hodar lopus tu kotu magorip.

HAMALIMON 11:24 ပူးပေါင်းရင်းမြစ်များ

JESAYA 22:14

Dipataridahon Tuhan, Tuhan Na Markuaso i do diriNa tu au jana didok, “Sanga na bia pe nada Huampuni be anggo hajahatan ni halahi i, lopus mate be halahi. Tuhan, Tuhan Na Markuaso do mandok i.”

HAMALIMON 11:31

Barang ise na dais tu binatang i sanga tu bangkena pe, gabe hodar do i lopus tu andospotangna.

HAMALIMON 11:8

Angka binatang na songon i nada tola panganon sanga dais tu bangkena, angke na haram do binatang i.

HAMALIMON 14:46

Taran so i dope, sanga ise na masuk tu bagas na nikunci i, gabe ramun lalu tu andospotang.

HAMALIMON 15:10

Sanga ise na dais sanga mangangkat bagi aha pe sian juguhan ni halak na songon i, sanga dijama ia so jolo dibasu ia tangannia, gabe ramun ma ia lalu tu andospotang. Angkon basuonnia ma pakeannia lalu maridi jana ramun do ia lalu tu andospotang.

HAMALIMON 15:15

Pasahaton ni malim i ma sada sian unggas i gabe haul hasesaan ni dosa, na asing i gabe haul situtungon. Songon i ma pangalahona patuluskon paiaskon diri mangihutkon ugamo di halak na songon i.

HAMALIMON 15:21

Sanga ise na dais tu inganan na dung nipodoman sanga na nijuguhan ni daboru na ro bulanna i, angkon basuonnia pakeannia lalu maridi jana ramun do ia lalu tu andospotang.

HAMALIMON 15:27

Sanga ise dais tu inganan i gabe ramun. Angkon basuonnia pakeannia lalu maridi, ramun do ia lalu tu andospotang.

HAMALIMON 15:5

Sanga ise na dais tu halak na mangharuarkon same i sanga dais tu podomanna sanga juguk di inganan na dung nijuguhan sanga na nitijuran ni halahi, angkon basuonnia pakeanna lalu maridi, ramun ma ia lopus tu andospotang.

HAMALIMON 16:26

Halak na mangayak hambeng i tu si Asasel di halongonan angkon basuonnia pakeannia jana maridi taran so mulak ia tu parbandaran i.

HAMALIMON 16:28

Halak na manutung i, angkon mamasu pakeanna lalu maridi taran so mulak ia tu parbandaran.”

HAMALIMON 22:4

Sada sian pomparan ni si Harun na hona kusta sanga na mangharuarkon aek, nada tola mangankon sian silehen-lehen na badia i, salolot so dipaboa na dung ias ia mangihutkon ugamo. Gabe ramun do sada malim muda dais ia tu sada na ramun hara ni na hona tu bangke. Gabe ramun muse do ia muda haruar same ni pamatangnia

HAMALIMON 22:5

sanga muda dais ia tu binatang sanga tu halak na ramun.

HAMALIMON 22:6

Sahalak malim na gabe ramun, laing ramun do ia lopus tu andospotang. Jana haru dung salpu pe andospotang, nada tola dope panganonnia haul na badia i anggo so maridi dope ia.

HAMALIMON 5:2

Muda gabe hodar do sada halak hara ni na dais ia tu na hodar, umpamana bangke ni binatang, tapi nada diboto ia karejonia i, halak na hodar do ia, jana marsala.

HAMALIMON 7:21

Sada-sada halak nada etongon be halak ni Debata, muda dipangan ia juhut na nihaulkon i, muda dais ia tu na hodar mangihutkon ugamo, bope na ro sian jolma, bope na ro sian binatang-binatang.

BILANGAN 19:7

Dung i basuonnia ma pakeannia, jana disiram ia pamatangnia dohot aek, disi pe anso tola masuk ia tu parbandaran, lopus tu andospotang etongon do ia halak na ramun.

1 KORINTUS 15:33

Ulang jabat tarpaoto-oto hamu! Muda dipardongan hamu halak na jahat, gabe jahat muse do parangemunu na denggan i.

2 KORINTUS 6:17

Hara ni i, morot ma hamu sian angka halak na so mananda Debata i, jana marsirang ma hamu sian halahi. Sandok, ulang ma marpardomuan hamu tu na hodar, dung i jagitonKu ma hamu.

EPESUS 5:11

Ulang dohoti hamu angka jolma na mambaen parange na golap angka na so marguna. Gumonanan do gorahon hamu angka na songon i. (

KOLOSSE 2:20

Madung mate hamu rap dohot Kristus jana madung dipalua hamu sian angka tondi na mangarajai portibi on. Biasi dope laing songon halak na nirajaan ni portibi on ngolumunu? Biasi paolo-oloanmunu dope angka paraturan na songon on,

IBRANI 9:26

Harana muda songon i do, gabe marpupu do Ia manaon parkancitan mamungka sian dung ditompa portibi on. Hape anggo satutuna, saonnari di hatiha na giot marujung on, hum sanoli sajo do Ia ro laho manyesa dosa markite-hite na mangalehen diriNa sandiri.

1 JOHANNES 1:7

Tapi muda mangolu di na torang hita laing songon Debata na maringanan di na torang i, gabe mangolu ma hita di bagasan pardomuan na solkot na sada tu na asing, jana hara ni mudar ni Jesus AnakNa i gabe ias ma hita sian sasude dosanta.