HAMALIMON 11:2 - BIBEL JAMITA NA DENGGAN

^2-3 tu bangso Israel. Angka binatang na mangolu di darat, na mangalngei jana marbola tambirikna, sude binatang na songon i na halal do i, tola panganon.

HAMALIMON 11:2 ပူးပေါင်းရင်းမြစ်များ

JEHESKIEL 4:14

Tapi hualusi ma, “Iale Tuhan Debata! Sian na menek lopus saonnari, na so unjung dope hupahodar diringku marhite na mangankon bangke ni binatang sanga teba-teba ni soroan ni binatang panyoro. Na so jungada do hupangan sipanganon na margoar na haram.”

DANIEL 1:8

Tapi tongtong do dijago si Daniel dirinia anso ulang ramun hara ni sipanganon dohot anggur na somal diinum raja i, dipangido ia ma tu pamimpin pegawe ni bagas godang i anso ulang diramuni ia.

HAMALIMON 11:1

Dilehen Tuhan ma tu si Musa dohot tu si Harun angka aturan songon on:

HAMALIMON 11:13

Ulang pangan hamu sada pe sian angka unggas on: unggas rajawali, sipauk, sude ragam ni halihi nasar, gawak, burung unto, camar, blekok dohot sude ragam ni sibarung, rande, haluang dohot arip-arip.

HAMALIMON 11:29

Monci tano, monci na godang, monci na menek dohot pelang, tohuk, sigulandak, jobar, bengkarung, keong, bunglon, angkon haram do i etongon.

HAMALIMON 11:34

Sipanganon na somal tarpangan hape madung hona aek sian nangkin, gabe hodar bope sanga aha pe siinumon di bagasan huali na songon i gabe hodar.

HAMALIMON 11:39

Muda dais halak tu bangke ni binatang na halal, gabe ramun ma ia lopus tu andospotang.

HAMALIMON 11:4

Tapi anggo unto, landuk sanga kelinci nada tola panganon. Binatang na songon i haram do etongon, angke haru pe mangalngei tapi nada marbola tambirikna.

HAMALIMON 11:9

Sude ragam ni ihan na marhapi-hapi jana marsisik, tola do panganon.

MATEUS 15:11

Nada na masuk tu pamangan na pahodarhon jolma, tapi na haruar sian pamangan i do na pahodarhon.”

IBRANI 13:9

Ulang ma padiar-diar hamu angka pangajaran na marragam-rupa i mangaliluhon hamu. Angkon denggan ni roha ni Debata do na patogu rohanta, i do na denggan; ulang ma angka paraturan ni sipanganon. Angke angka halak najolo na mangihutkon paraturan i nada adong pola gunana dapot halahi.

IBRANI 9:10

Harana anggo angka upacara na songon i na marpardomuan tu sipanganon sajo do i dohot siinumon bope angka ragam-ragam ni upacara na mambaen ias. Hum angka Tona na tarida do na mardalan i lopus tu hatihana sanga andigan baenon ni Debata haimbaruan.