HAMALIMON 10:6 - BIBEL JAMITA NA DENGGAN

⁶ Dung i didok si Musa ma tu si Harun dohot tu angka anakna na laing mangolu dope, i ma si Eleasar dohot si Itamar, “Ulang padiar hamu obukmunu nada nisuri, sanga manyuakkon pakeanmu songon na patidahon marsakmunu. Muda dibaen hamu songon i, angkon mate hamu, bope sude bangso Israel angkon muruhan ni Tuhan. Tapi sude halak Israel na asing i, tola do marsak manangisi sidua halak, na mate dibaen api ni Tuhan i.

HAMALIMON 10:6 ပူးပေါင်းရင်းမြစ်များ

2 SAMUEL 24:1

Muruk muse ma Tuhan tu Israel, jana disosoi ia ma si Daud laho parohon hasusaan tu bangso i. Didok Tuhan ma tusia, “Pamasa ma jolo pamilangion di Israel dohot Juda.”

ESRA 7:5

Abisua Pinehas Eleasar Malim Godang Harun

HARURUAR 33:5

Madung diparentahon Tuhan tu si Musa anso didok ia tu bangso i, “Bangso sijogal rungkung do hamu. Muda mardalan Au di tonga-tongamunu hum sangombas pe tontu sun ma hamu mago baenonKu. Jadi hara ni i bukai hamu ma angka barang parhiasanmunu i anso Huida jolo sanga aha na giot sibaenonKu tu hamu.”

HARURUAR 6:23

Marbagas ma si Harun dohot si Eliseba, boru ni si Aminadap; iboto ni si Nahason, ditubuhon ia do si Nadab, si Abihu, si Eleasar dohot si Itamar.

JEREMIA 7:29

Didok Tuhan, “Ale halak Jerusalem, marsiluluton ma hamu! Gusting ma obukmu jana ambungkon ma i! Endehon hamu ma ende andung di puncu ni dolok di partoran. Au Tuhan, dibaen hamu gabe gusar saonnari gabe Hutulak hamu sudena.

HAMALIMON 13:45

Sahalak na hona kusta na jorbut i, angkon pakean na masuak-suak do pakeonnia jana padiaron obukna nada nisuri, angkon tutuponnia do di toru ni bohina jana marsurak-surak mandok: “Ramun, ramun!”

MIKA 1:16

Hamu ale halak Juda, gusting hamu ma obukmunu tanda ni siluluton hara ni angka dakdanak haholongan ni rohami. Gusting obukmi lopus gundul songon unggas sipangan bangke, angke obanon noma angka dakdanakmu tu habuangan.

BILANGAN 1:53

Tapi anggo halak Levi angkon donok tu Bandar ParmiananKu do bandar ni halahi. Angkon jagoon ni halahi anso ulang adong halak na donok, anso ulang gabe muruk Au gabe Huuhumi halak Israel.”

BILANGAN 14:6

Dung i si Josua anak ni si Nun dohot si Kaleb anak ni si Jefunne, dua halak sian angka mata-mata i, manyuakkon pakean ni halahi hara ni marsakna.

BILANGAN 16:22

Tapi dipaunduk si Musa dohot si Harun ma manyomba lalu didok halahi, “Ale Debata, Ho do na mangalehen hangoluan tu sude na mangolu. Muda mardosa sahalak, sude dehe halak na bahat on muruhanMu?”

BILANGAN 18:5

Hum ho do Harun dohot anakmu na angkon markarejo di Inganan Na Badia dohot di langgatan, anso ulang gabe marungut-ungut be Au tu bangso Israel.

BILANGAN 20:25

Oban ma si Harun dohot si Eleasar anaknia i tu Dolok Hor.

BILANGAN 5:18

Sarsaron ni dadaboru i ma obukna jana tiop di tangannia topung silehenon i. Mangkuk na marisi aek na tarbaen parohon bura i, malim i do maniop i.

PANGARATAION 33:9

Sumurung do haburjuon ni halahi tu Ho. Sumurung sian simatobang maradu koum sisolkot. Dioloi halahi do angka parentaMi parjanjianMu pe digohi.

JOSUA 22:18

Jana saonnari, na giot manghudukkon Tuhan dope hamu mangulahi? Muda dialo hamu Tuhan sadari on, muruk ma Tuhan ancogot tu sude halak na di Israel.

JOSUA 22:20

Ingot ma! Si Akan anak ni si Zerah i pe na so ra mangihutkon parenta ni Tuhan salaho tu barang-barang sisoadahononkon. Jana aha do akibatna? Sude Israel hona uhum! Hum si Akan do na mardosa, hapengani anggo na mate nada hum ia sajo!”

JOSUA 7:1

Madung diparentahon Tuhan halak Israel bahaso na so tola buaton sada pe sian sandok na adong di Jeriko na angkon sisegohononkon. Hape nada dioloi parenta i. Adong ma sada bayo na margoar si Akan na mangalanggar parenta i, jadi gabe muruk situtu ma Tuhan tu halak Israel. (Amang ni si Akan goarna si Karmi jana ompungnia margoar si Zabdi na sian horong ni Marga Zerah na masuk tu Marga Juda.)

JOSUA 7:11

Na mardosa do halak Israel. Madung Huparentahon tu halahi laho mangoloi parjanjian antara ni halahi dohot Au hape dilaosi halahi do i! Angka barang-barang sironcohononkon pe laing adong do dibuat halahi. Ditangko jana dibunihon halahi do i di antara ni barang-barang ni halahi, jana dipaula so diboto halahi ma i!