HAMALIMON 10:2 - BIBEL JAMITA NA DENGGAN

² Tuhan i sandiri do parohon api na manutung halahi lalu mate disi, di Bandar Parmianan Ni Tuhan.

HAMALIMON 10:2 ပူးပေါင်းရင်းမြစ်များ

2 SAMUEL 6:7

Jadi manigor muruk ma Tuhan Debata tu si Usa jana dimatehon ma ia hara ni hipas ni tangannia i. Mate di inganan i do si Usa di lambung ni Poti Parjanjian i.

1 RAJA-RAJA 13:28

kehe ma ia jana di dapot ia ma bangke ni panurirang na sian Juda i laing payak di dalan i jana di lambungna i halode dohot singa i. Umpe dihahua singa i bangke i dohot halode i.

1 RAJA-RAJA 18:38

Jadi ditongos Tuhan ma api sian langit manutung haul i lopus puntung rap dohot sobanna i, angka batuna i dohot tanona i songon i dohot aek na di bondar i abis didilat api i.

2 RAJA-RAJA 1:10

“Jadi anggo na tutu do au naposo ni Debata,” ning si Elia mangalusi, “Sai mijur ma api sian ginjang manutung ho dohot sude paranganmi lopus abis!” Manigor mijur ma api santongkin i manutung parpangkat i dohot paranganna na lima pulu halak i.

2 RAJA-RAJA 1:12

“Anggo na tutu do au naposo ni Debata,” ning si Elia mangalusi, “Sai mijur ma nian api sian langit manutung ho rap dohot sude paranganmi!” Manigor mijur ma api ni Debata manutung parpangkat i dohot paranganna na lima pulu halak i sude.

1 JUJUR TAON 13:10

Hape muruk ma Tuhan tu si Usa jana diuhumi ma ia hara ni na nitiopnia Poti Parjanjian i. Laing mate santongkin i do si Usa dibunu Debata. Jadi mamungka sian i ma inganan i margoar “Peres Usa”. Muruk ma si Daud hara ni na songon i borat ni uhuman ni Tuhan tu si Usa.

1 JUJUR TAON 15:13

Di na dipapinda parjolo situtu Poti i, nada adong sian hamu na ro, jadi hara ni i, diuhumi Tuhan Debatanta hita, angke tabaen antong ibadat na so cocok tu na nihagiotanNia.”

JOB 1:16

Mangkobari dope ia, ro muse ma hatoban na paduahon mandok, “Ma disoro ronggur angka biri-biri ni tuan i, dohot angka parmahanna, mate sude. Hum sasada au ma i na malua anso laing adong na paboahon tu tuan i.”

MASMUR 50:3

Na ro ma Debatanta, nada be so sajo Ia, dijoloani api na marjilam-jilam do Ia, jana dihaliangi habahaba na gogo.

HARURUAR 24:1

Dung i didok Tuhan ma tu si Musa, “Nangkok ma hamu mandapotkon Au, ho rap dohot si Harun, si Nadab dohot si Abihu dohot pamimpin ni halak Israel na pitu pulu halak i. Jadi dompak dao dope hamu sian on, angkon marsomba do hamu.

JESAYA 30:33

Mamungka sian narobi na dung diparade hian do api baen panutung ni raja Asur. Bagas jana lumbang do inganan i na marisi soban martinggang-tinggang. Ombuskonon ni Tuhan ma hosaNia laho pagarahon api i.

HAMALIMON 10:5

Dung i ro ma halahi, ditiop halahi ma angka bangke i laing markameja lalu dioban halahi tu balian ni parbandaran, songon na nidok ni si Musa.

HAMALIMON 16:1

Dung mate anak ni si Harun na dua i, di hatiha na nipasahat ni halahi tu Tuhan api na so nihagiotanNia, didok Tuhan ma tu si Musa.

HAMALIMON 9:24

Dung i dipaijur Tuhan ma api na manutung sude haul situtungon dohot goar-goaran na martabo-tabo di ginjang ni langgatan i. Di na niida ni angka jolma i na masa i, sude ma halahi marsurak jana unduk manyomba.

BILANGAN 16:35

Diparo Tuhan i muse ma api na marjembur laho manutung na 250 halak na manutung hamonyan i.

BILANGAN 16:49

Na mate di hatiha i 14.700 halak. So padohot na mate hara ni si Korah na mangalo i.

BILANGAN 26:61

Si Nadab dohot si Abihu na mate di hatiha manghaulkon api na so nihagiotan ni Tuhan.

BAENON NI ANGKA RASUL 5:10

Laing manigor santongkin i tinggang ma dadaboru ni si Ananias i lalu mate di jolo ni si Petrus. Jadi di na masuk angka doli-doli i, ma mate ia didapot halahi. Dung i ditaruhon halahi muse ma ia tu balian, jana ditanom halahi di lambung ni halaklahinia i.

BAENON NI ANGKA RASUL 5:5

Disi dibege si Ananias hata i, tinggang ma ia lalu mate. Gabe mabiar ma sudena halak na umbege na masa i.

1 KORINTUS 10:11

Masa pe sudena i, na gabe tiruan do i tu angka halak na asing. Jana nisuratkon do sudena i anso gabe parningotan di hita. Angke di hatiha parpudi noma hita mangolu.

1 SAMUEL 6:19

Tapi hara ni na ditungkir ni halak Bet-Semes tu bagasan Poti Parjanjian ni Tuhan i, gabe hona bunu do dibaen Tuhan sian halahi pitu pulu halak. Gabe marsiluluton ma rayat i hara ni na nipadondonkon ni Tuhan sitaonon na songon i godang tu halahi.